دەمالىس كۇندەرى ءموبيلدى توپ كەزەكتى رەيد بارىسىندا وتباسىلىق ءىس-شارا وتكىزگەندەردى انىقتادى, دەپ حابارلايدى ەلوردا اكىمدىگىنىڭ رەسمي سايتى.
بالقانتاۋ كوشەسىندەگى «باقساراي»مەيرامحاناسىندا ەكى كۇن ىشىندە 50 جىلدىق مەرەيتوي مەن ۇيلەنۋ تويى ءوتتى. كارانتيندىك تالاپتار ساقتالماعان زالدا 80-نەن استام ادام بولدى. ءتارتىپ بۇزۋشىلارعا قاتىستى جينالعان ماتەريالدار قر اقبتك-ءنىڭ 425-بابى بويىنشا اكىمشىلىك جاۋاپكەرشىلىككە تارتۋ ءۇشىن سانيتارلىق-ەپيدەميلوگيالىق باقىلاۋ دەپارتامەنتىنە جولداندى.
سونداي-اق, 23:00-دەن كەيىن جۇمىس ىستەگەن «Respawn» كومپيۋتەرلىك كلۋبى, ال ونىڭ ىشىندە 15 ادام بولعانى انىقتالدى.
«دۋرانگ كافەسىنىڭ دە جۇمىس رەجيمىن بۇزعانى بەلگىلى بولدى. بارلىق ماتەريالدار سانەپيدباقىلاۋ قىزمەتىنە جىبەرىلدى.
ەستەرىڭىزگە سالا كەتەيىك, بۇعان دەيىن سوت "ZOLOTO" مەيرامحاناسىنىڭ قىزمەتىن ءبىر ايعا توقتاتا تۇرۋ تۋرالى قاۋلى شىعارعان بولاتىن. شەشىمدى ورىنداۋ ءۇشىن 11 اقپاندا مەكەمەنىڭ الدىڭعى ەسىكتەرىنە ءمور باسىلعان قاعاز ءىلىندى.
15 اقپانداعى جاعداي بويىنشا قالادا كارانتيندىك شەكتەۋلەردىڭ 330-دان استام بۇزىلۋى انىقتالدى. ونىڭ ىشىندە الماتى اۋدانى بويىنشا – 67, بايقوڭىر اۋدانى بويىنشا – 82, ەسىل اۋدانى بويىنشا – 104, سارىارقا اۋدانى بويىنشا - 82.
ايتا كەتۋ كەرەك, كوروناۆيرۋستىڭ تارالۋىن بولدىرماۋ ءۇشىن ازاماتتار كارانتيندىك شەكتەۋلەر مەن سانيتارلىق نورمالاردى قاتاڭ ساقتاۋى كەرەك. كاسىپكەرلىك سۋبەكتىلەرى دە شەكتەۋ شارالارىن بۇزباۋى ءتيىس.
سوت بارلىعى 14 نىساننىڭ قىزمەتىن توقتاتتى جانە جالپى سوماسى 3 781 605 تەڭگەگە اكىمشىلىك ايىپپۇل سالدى.
1 قاڭتاردان باستاپ بۇگىنگە دەيىنگى ارالىقتا شەكتەۋ جانە كارانتين شارالارىن بۇزعانى ءۇشىن جالپى سوماسى 58 575 020 تەڭگەگە 242 جەكە جانە زاڭدى تۇلعالار اكىمشىلىك جاۋاپكەرشىلىككە تارتىلدى.