شىمكەنت اكىمى ينفراقۇرىلىم جۇيەلەرىنىڭ قۇرىلىس بارىسىن پىسىقتادى

قالا اكىمى الدىمەن №28 كارىز سورعى ستانتسياسىنىڭ جانە №2 كوللەكتورعا دەيىنگى ماگيسترالدى كارىز كوللەكتورىنىڭ قۇرىلىسىن پىسىقتادى. شىمكەنت قالاسىنىڭ اكىمى مۇرات ايتەنوۆ قالاداعى بىرقاتار ينفراقۇرىلىم جۇيەلەرىنىڭ قۇرىلىس بارىسىن ارالادى. قالا اكىمى الدىمەن №28 كارىز سورعى ستانتسياسىنىڭ جانە №2 كوللەكتورعا دەيىنگى ماگيسترالدى كارىز كوللەكتورىنىڭ قۇرىلىسىن پىسىقتادى. 

ۇزىندىعى 12,9 شاقىرىم كوللەكتوردىڭ جانە №28 كارىز سورعى ستانتسياسىنىڭ قۇرىلىسى 2020 جىلدىڭ مامىر ايىندا باستالعان بولاتىن. جوبا قۇنى – 3 138,6 ملن تەڭگە. مەردىگەر «سارىاعاش-امان» مەكەمەسى وتكەن جىلى 757,1 ملن تەڭگە قاراجاتتى يگەردى. 2021 جىلعا 1 481,5 ملن تەڭگە قارجى قارالعان. قازىرگى ۋاقىتتا قۇرىلىس جۇمىستارى قارقىندى جۇرگىزىلۋدە.  

قالا اكىمى اتالعان نىسانداردىڭ قۇرىلىسىندا قازىردەن ساپاعا كوڭىل ءبولۋدى تاپسىرىپ, قۇرىلىس بارىسىن تۇراقتى باقىلاپ وتىراتىنىن ايتتى. سونداي-اق, قۇرىلىس تەحنيكالارىنىڭ تازالىعىنا دا ءمان بەرۋدى مىندەتتەدى.  نىسان قۇرىلىسىن جىل سوڭىنا دەيىن اياقتاۋ جوسپارلانۋدا. ناتيجەسىندە, اعىمداعى جىلى قۇرىلىسى جۇرگىزىلەتىن ميراس, شاپاعات-2, ۇلاعات, سولتۇستىك-شىعىس, تاسساي, نۇرتاس ەلدىمەكەندەردەگى كارىز جۇيەسى وسى كوللەكتورگە قوسىلاتىن بولادى. ياعني, وسى ەلدىمەكەندەردىڭ كارىز جۇيەسىندەگى سارقىندى سۋ وسى كوللەكتورگە قۇيادى. 

ايتا كەتسەك, ميراس, شاپاعات-2 شاعىناۋدانىن كارىز جۇيەسىمەن قامتاماسىز ەتۋ ماقساتىندا كارىز قۇرىلىسىن «ىنتىماق بەس ارىس» جشس جۇرگىزۋدە. جوبا قۇنى - 1 348,9 ملن تەڭگە. 2021 جىلعا 401,6 ملن تەڭگە قارجى قارالعان.

سونداي-اق, ۇلاعات شاعىناۋدانىن كارىز جۇيەسىمەن قامتاماسىز ەتۋ بويىنشا بيىلعا 403,6 ملن تەڭگە قاراجات بولىنگەن. كارىز جۇيەسى قۇرىلىسىن اياقتاۋعا قاجەتتى قارجى - 934,4 ملن تەڭگە.