ەكولوگيا, گەولوگيا جانە تابيعي رەسۋرستار مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ "وحوتزووپروم" رمقك ينسپەكتورلارى اتىراۋ قالاسىنىڭ پوليتسيا دەپارتامەنتىمەن بىرلەسىپ وتكىزگەن پروفيلاكتيكالىق رەيدتەر ناتيجەسىندە براكونەرلەردەن 360 كيىك ءمۇيىزىن تاركىلەدى, دەپ حابارلايدى Egemen.kz.
اتىراۋ وبلىسىنىڭ "گەولوگ" اۋىلىندا بولعان رەيد كەزىندە ۆاز ماركالى 2 اۆتوكولىك توقتاتىلدى. ءبىرىنشى اۆتوكولىكتى تەكسەرۋ كەزىندە 200 دانا ءمۇيىز, ەكىنشىسىنەن - 164 دانا كيىك ءمۇيىزى تابىلىپ, تاركىلەندى.
اتالعان فاكتى بويىنشا قر قك 339-بابى "سيرەك كەزدەسەتىن جانە قۇرىپ كەتۋ قاۋپى تونگەن, سونداي-اق پايدالانۋعا تىيىم سالىنعان وسىمدىكتەر مەن جانۋارلاردىڭ تۇرلەرىن, ولاردىڭ بولىكتەرىن نەمەسە دەريۆاتتارىن زاڭسىز پايدالانۋ"بويىنشا قىلمىستىق ءىس قوزعالدى.
ەستەرىڭىزگە سالا كەتەيىك, وحوتزووپروم جانۋارلار مەن وسىمدىكتەردىڭ بيوالۋانتۇرلىلىگى مەن گەندىك قورىن ساقتاۋ ماقساتىندا ولاردىڭ پايدالانىلۋىن, ءوسىمىن مولايتۋدى جانە جاساندى ءوسىرىلۋىن باقىلاۋدى جانە تابيعاتتى قورعاۋدى جۇزەگە اسىرادى.