اتىراۋ وبلىسىنىڭ قۇرمانعازى اۋدانىندا بەكىرە تۇقىمداس جانە وزگە دە بالىق تۇرلەرىن وسىرەتىن جاڭا جوبا ىسكە اسىرىلماق. جوباعا 2 ملرد تەڭگە ينۆەستيتسيا سالىنادى, دەپ حابارلايدى Egemen.kz.
تۇرعىندار الدىندا ەسەپ بەرگەن قۇرمانعازى اۋدانىنىڭ اكىمى قايرات نۇرتاەۆ مالىمەتىنە سۇيەنسەك, اتالعان جوبانىڭ ينۆەستورى – «سەۆكاسپي فيش» جشس. بۇل سەرىكتەستىك 2 ملرد تەڭگە ينۆەستيتسيا سالۋ ارقىلى بالىق قورىن كوبەيتۋدى قولعا الادى. ءسويتىپ, بەكىرە تۇقىمداس جانە قارا بالىقتاردىڭ 10 ميليوننان استام شاباعىن ءوسىرىپ, قيعاش وزەنىنە جىبەرمەك. سونداي-اق اۋداندا توعان شارۋاشىلىعىن دامىتۋ قولعا الىنادى.
«بۇل جوبانى ىسكە اسىرۋدىڭ ناتيجەسىندە 1000-نان اسا ادام تۇراقتى جۇمىسپەن قامتىلادى دەپ كۇتىلۋدە. بۇدان بولەك, بالىق, ەگىن, مال جانە قۇس شارۋاشىلىعىن دامىتۋ ماقساتىندا قيعاش وزەنىندە 243,55 شاقىرىمدى قۇرايتىن جاناما كانالداردىڭ ءتۇبى تەرەڭدەتىلەدى. سونداي-اق, 75 شاقىرىمدىق «كوبياكوۆو-زابۋرۋنە» سۋلاندىرۋ جۇيەسىن قايتا جاڭعىرتۋ جوسپارلانىپ وتىر» دەيدى اۋدان اكىمى قايرات نۇرتاەۆ.