ليتۆا تاراپىنىڭ باستاماسىمەن قازاقستان رەسپۋبليكاسى پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردى ليتۆانىڭ سىرتقى ىستەر ءمينيسترى گابريەليۋس لاندسبەرگيسپەن تەلەفون ارقىلى سويلەسىپ, اڭگىمە بارىسىندا تاراپتار ەكىجاقتى ىنتىماقتاستىقتىڭ وزەكتى ماسەلەلەرىن تالقىلادى, دەپ حابارلايدى Egemen.kz
سويلەسۋ بارىسىندا م.تىلەۋبەردى ليتۆا تاراپىنا COVID-19 پاندەمياسىمەن كۇرەس كەزەڭىندە گۋمانيتارلىق جانە كونسۋلتاتيۆتىك كومەك كورسەتكەندەرى ءۇشىن ريزاشىلىق ءبىلدىردى.
تاراپتار 2020 جىلعى ناۋرىزدا كۇشىنە ەنگەن قر مەن ەو اراسىنداعى كەڭەيتىلگەن ارىپتەستىك پەن ىنتىماقتاستىق تۋرالى كەلىسىمنىڭ مۇمكىندىكتەرىن ىسكە اسىرۋدىڭ ماڭىزدىلىعىن اتاپ ءوتتى.
سونداي-اق بۇل تۇرعىدا وڭدەۋ ونەركاسىبى مەن اۋىل شارۋاشىلىعى, ترانزيت-كولىكتىك جانە دەنساۋلىق ساقتاۋ سالالارىندا, جاڭا تەحنولوگيالار (جەك, قارتەح, بيوتەحنولوگيا) جانە ت.ب. سالالارداعى ىنتىماقتاستىققا ساۋدا-ەكونوميكالىق باعىتتى ودان ءارى بەلسەندى نىعايتۋ جولدارى ايقىندالدى.
تەلەفون ارقىلى سويلەسۋدىڭ قورىتىندىسى بويىنشا سۇحباتتاستار جۋىق ارادا ەكى ەلدىڭ cىرتقى ىستەر مينيسترلەرىنىڭ ورىنباسارلارى دەڭگەيىندە ساياسي ونلاين كونسۋلتاتسيالار وتكىزۋگە ۋاعدالاستى.