الماتىدا وسى كۇنگە دەيىن كوروناۆيرۋس ينفەكتسياسىنىڭ 22 898 جاعدايى تىركەلسە, ونىڭ 14 558-ءى سيمپتومدى جانە 8340-ى سيمپتومسىز. ەمدەلگەندەر سانى - 20 953 (+110). 7 اقپاندا كوروناۆيرۋس ينفەكتسياسىنىڭ 114 جاعدايى تىركەلدى (112 جەرگىلىكتى, 1 ءباا-نەن جانە 1 شىمكەنت قالاسىنان اكەلۋ جاعدايى), ونىڭ ىشىندە 78 جاعداي سيمپتومدى, 36 جاعداي سيمپتومسىز. تاۋلىكتىك ءوسىم-0,4%, دەپ حابارلايدى Egemen.kz
«قاڭتار ايىندا كۆي-ءدىڭ 3607 جاعدايى تىركەلدى, اقپاننىڭ 7 كۇنىندە - 770 ادامنىڭ ىندەت جۇقتىرعانى انىقتالدى. كۆي ەكىنشى تولقىنىنىڭ دامۋ ديناميكاسى 28 قاڭتاردا باستالعان قۇلدىراۋمەن جۇمساق ورلەمەلى سىزىق بويىنشا جۇرەدى, بۇل الماتى قالاسىنىڭ ەپيدەميالىق جاعدايدى باعالاۋ ماتريتساسىندا قىزىل ايماقتان (4 كۇن بولدى – 25-29 قاڭتار ارالىعىندا) سارى (1 كۇن بولدى – 30 قاڭتار) جانە جاسىلعا (31 قاڭتاردان باستاپ قازىرگى ۋاقىتقا دەيىن) اۋىسۋىنا اكەلدى», دەپ حابارلادى الماتى قالاسى سانيتارلىق-ەپيدەميالىق باقىلاۋ دەپارتامەنتى باسشىسىنىڭ ورىنباسارى اسەل قالىقوۆا.
ەپيدەميولوگتىڭ ايتۋىنشا, 28 قاڭتاردان باستاپ الماتى قالاسىندا كۆي اۋرۋىنىڭ كۇندەلىكتى 130 جاعدايدان 122 جاعدايعا دەيىن, 29-31 قاڭتار ارالىعىندا كۇنىنە 90-116, 1-7 اقپان ارالىعىندا 110-114 جاعدايعا دەيىن تومەندەۋى تىركەلدى.
«الماتى قالاسىنداعى كوروناۆيرۋس ينفەكتسياسىمەن اۋىرۋدىڭ ەپيدەميالىق قيسىعى اقپان ايىندا جورامالدانعان جوعارى كورسەتكىشتەرگە ساي كەپ وتىر, ەپيدەميانىڭ ەكىنشى تولقىنىنىڭ جوعارى كورسەتكىشى 26-27 قاڭتاردا ورىن الدى, بۇل كۇندەرى كۇنىنە 138-139 اۋرۋ جاعدايى تىركەلگەن ەدى», دەپ ءتۇسىندىردى ءا.قالىقوۆا.
بۇل رەتتە, قاڭتار ايىنىڭ 4 اپتاسىمەن سالىستىرعاندا ەپيدەميالىق تەرگەۋلەرمەن قوعامدىق ورىنداردا جۇقتىرۋدىڭ 5,1%-عا (38,6-دان 43,7%-عا دەيىن) – اۋا رايىنىڭ جىلىنۋىنا بايلانىستى كەلۋشىلەردىڭ بەلسەندىلىگى; وتباسىلاردا 2%-عا (28%-دان 30%-عا دەيىن) ۇلعايۋى انىقتالدى. وتباسىلىق ءىس-شارالاردا (قۇدالىقتار, كەشتەر جانە باسقالار) ينفەكتسيالاردىڭ كوبەيۋى بايقالادى-اپتاسىنا 16 جاعداي (2,2%), بۇل حالىق اراسىندا قىراعىلىق پەن ساقتىق شارالارىنىڭ تومەندەگەنىن كورسەتەدى. قوعامدىق كولىكتە جۇقتىرۋ دەڭگەيى 20-22% ارالىعىندا وزگەرىسسىز قالدى.
ەپيدەميولوگ سانيتارلىق نورمالاردى ساقتاۋدىڭ – بەتپەردە كيۋدىڭ, 1,5-2 مەتر قاشىقتىقتى ساقتاۋدىڭ ماڭىزدىلىعىن تاعى دا اتاپ ءوتتى, سونداي-اق مۇمكىندىگىنشە ادامدار كوپ جينالاتىن جەرلەرگە, اسىرەسە, قارت ادامدارعا; سوزىلمالى اۋرۋلاردان زارداپ شەگەتىندەرگە جانە ت. ب. بارۋدان باس تارتۋعا شاقىردى.
قاڭتار ايىمەن سالىستىرعاندا جاس ەرەكشەلىكتەرىنە قاراي اۋرۋ دەڭگەيى 20-39 جاس ارالىعىندا 3%-عا ناشارلادى.2021 جىلعى اقپاننىڭ 1 اپتاسىنداعى جاس قۇرامى جانە جۇقتىرۋ ورىندارى:
39,2% – 20 – 39 جاس - 257 جاعداي;
25% – 40-59 جاس - 164 جاعداي;
20,9% – 60 جاس جانە ودان جوعارى – 137 جاعداي;
43,7% – قوعامدىق ورىندارعا بارۋ;
29.9% – وتباسىندا كۆي-مەن اۋىراتىن ناۋقاسپەن بايلانىس;
20.1% – قالالىق كولىك.
ايتا كەتۋ كەرەك, پاندەميا باستالعاننان بەرى الماتىدا شامامەن 917 مىڭ پتر زەرتتەۋ جۇرگىزىلدى. بۇگىنگى كۇنى قالادا تاۋلىكتىك قۋاتتىلىعى 14,5 مىڭ زەرتتەۋ بولاتىن 24 پتر زەرتحانا جۇمىس ىستەيدى. پەرسپەكتيۆالىق قۋاتى-23 300 زەرتتەۋ. بۇل رەتتە, «ۇلتتىق ساراپتاما ورتالىعى» فيليالىنداعى پتر تەستىنىڭ قۇنى جەكە تۇلعالار ءۇشىن دە, زاڭدى تۇلعالار ءۇشىن دە 8025 تەڭگەگە دەيىن تومەندەتىلدى
سونداي-اق شەت ەلدەردەن COVID-19 اكەلىنۋىنىڭ الدىن الۋ بويىنشا شارالار جالعاسۋدا. 2020 جىلعى 6 قازاننان باستاپ بيىلعى 7 اقپانعا دەيىن كوروناۆيرۋستىق ينفەكتسيانىڭ 89 جاعدايى انىقتالدى (تۇركيا – 32, ءباا – 25, ەگيپەت – 23, بەلارۋس – 5, مالديۆ ارالدارى – 2, سەۋل – 1, ۋكراينا – 1).
بۇگىنگى تاڭدا الماتى ستاتسيونارلارىنىڭ جالپى قۋاتتىلىعى 7011 توسەك-ورىندى قۇرايدى. الماتى قالاسى اكىمدىگىنىڭ دەرەكتەرى بويىنشا, بۇگىنگى كۇنى ينفەكتسيالىق ستاتسيونارلاردا (1866 توسەك) 703 ناۋقاس جاتىر, ونىڭ ىشىندە 17-ءسى – اسا اۋىر جاعدايدا, 105-ءى-اۋىر, 581-ءى-اۋىرلىعى ورتاشا دارەجەدە. 62%-دان استام توسەك-ورىن بوس.
1 اقپاننان باستاپ الماتى مەديتسينالىق ۇيىمدارىنىڭ 1240 قىزمەتكەرى (67%) كوروناۆيرۋس ينفەكتسياسىنان «سپۋتنيك» ۆاكتسيناسىن الدى, ءبارى 30 مينۋت بويى مەديتسينالىق باقىلاۋدا بولدى, دەنساۋلىقتارىندا اسقىنۋلار مەن جاعدايىنىڭ ناشارلاۋى بولعان جوق.