التاي ولكەسىندە عيمارات توبەسىنەن قۇلاعان قاردىڭ سالدارىنان 4 ادام قازا تاپتى, دەپ حابارلايدى Egemen.kz
وقيعا زاريا اۋدانىنىڭ سمازنەۆو اۋىلىندا بولدى. استىق قويماسىنىڭ شاتىرىنان قار قۇلاپ, 8-ءى قارلى ءۇيىندىنىڭ استىندا قالعان.
«قاردىڭ استىنان شىعارىلعان ءتورت ادام قايتىس بولدى. زارداپ شەككەن ءبىر ادامنىڭ جاعدايى مەديتسينالىق كومەك كورسەتۋدى تالاپ ەتەدى», دەپ اتاپ ءوتتتى ايماقتىڭ ءباسپاسوز حاتشىسى.
وقيعا ورنىنا ءۇش جەدەل جاردەم بريگاداسى جىبەرىلدى. زارداپ شەككەندەردىڭ اراسىندا 1-ەۋى زارينسكىدەگى اۋرۋحاناعا جىبەرىلسە, ال امان قالعاندارى ەمدەلۋدەن باس تارتتى.
تجم حابارلاعانداي, توتەنشە جاعداي ورنىندا 40 ادام مەن 15 تەحنيكا جۇمىس ىستەپ جاتىر.
التاي ولكەسىنىڭ باسشىسى تومەنكو اتقارۋشى بيلىكتىڭ بارلىق ايماقتىق ورگاندارىنىڭ باسشىلارىنا جىلى اۋا رايىنا بايلانىستى قار جامىلعىسىنىڭ ءتۇسۋ قاۋپىنە نازار اۋدارۋدى جانە توتەنشە جاعدايلاردىڭ الدىن الۋ ءۇشىن شۇعىل شارالار قابىلداۋدى تاپسىردى.
ايتولقىن مىرزاكاريم