اۆستراليانىڭ مەلبۋرن قالاسىندا «ۇلكەن دۋلىعا» ءتۋرنيرىنىڭ العاشقى ءىرى دوداسى - Australian Open-2021 باسەكەسى باستالدى. اتالعان سىنعا قاتىسىپ جاتقان قازاقستاندىقتار اراسىنان زارينا دياس العاش بولىپ ءبىرىنشى اينالىمنان ءوتتى دەپ حابارلايدى Olympic.kz.
قازاقستاندىق تەننيسشى بەتاشار ماتچتا سلوۆەنيالىق تامارا زيدانشەكتى ەكى سەت قورىتىندىسى بويىنشا ۇتتى. ەسەپ - 6:1, 7:5. كەزدەسۋ 1 ساعات 22 مينۋتقا سوزىلعان. WTA رەيتينگىندە زارينا 81-ءشى, زيدانشەك 132-ءشى ورىندا تۇرعانىن ايتا كەتۋ كەرەك.
وكىنىشكە قاراي, بالا كۇتىمىنە بايلانىستى ۇزىلىستەن سوڭ ۇلكەن سپورتقا قايتا ورالعان يارسولاۆا شۆەدوۆا جەكەلەي سىندى اياقتادى. ول العاشقى اينالىمدا يتاليالىق كاميلا دجوردجيدەن 3:6 3:6 ەسەبىمەن ۇتىلعان.