شىمكەنت قالاسىندا اۋا-رايىنىڭ جىلىنۋىمەن العاشقى جالپىقالالىق سەنبىلىك ءوتتى. قالا اكىمىنىڭ باستاماسىمەن قولعا الىنعان تازالىق شاراسىنا مەملەكەتتىك قىزمەتشىلەر, كاسىپكەرلەر, ءتارتىپ ساقشىلارى, شاحار تۇرعىندارى مەن ەرىكتىلەر قاتىستى.
كوشەلەردى, اۋلالاردى تازالاۋ جۇمىسىنا 10 مىڭنان اسا تۇرعىن اتسالىستى.
سەنبىلىككە 100-دەن اسا ارنايى تەحنيكا جۇمىلدىرىلدى. بارلىعى 150 تەكشە مەتر قوقىس قالا سىرتىنا شىعارىلدى. سونىمەن بىرگە يرريگاتسيالىق ارىقتار دا تازالاندى.
سەنبىلىككە قالا اكىمىنىڭ ءبىرىنشى ورىنباسارى شىڭعىس مۇقان دا قاتىستى.
- بۇل وسى جىلدىڭ العاشقى سەنبىلىگى. قار كەتكەن سوڭ استىندا قالعان قوقىستاردى تازارتىپ جاتىرمىز. ناۋرىز ايىنان باستاپ سەنبىلىك اپتا سايىن ۇيىمداستىرىلاتىن بولادى جانە وعان بارلىق ۇيىمداردىڭ كۇشى تارتىلادى. سوندىقتان قالا تۇرعىندارىن دا ءوزى تۇراتىن كوپقاباتتى تۇرعىن ءۇي بولسا اۋلاسىن, ۇيلەرىنىڭ ماڭىن تازالاۋعا شاقىرامىن. قالا تۇرعىندارىن شاھارىمىزدىڭ تازالىعى ساقتاۋعا بىرلەسە اتسالىسسا دەيمىن, - دەدى شىڭعىس مۇقان.
تازالىق شاراسىنا قاتىسۋشىلار جول بويىنداعى جاسىل ايماقتاردى, ساياباقتار مەن دەمالىس ورىندارىن, ارىق-اتىزدار جانە جاياۋ جۇرگىنشىلەر جولدارىن قوقىستاردان تازارتتى.