وتكەن جىلى وبلىستا «جۇمىسپەن قامتۋدىڭ جول كارتاسى» باعدارلاماسى ارقىلى 259 جوبا اياقتالىپ, 10 مىڭعا جۋىق ادام جۇمىس تاپقان. وتكەن جىلى باستالعان ەكى جوبا بيىل اياقتالادى. سونىمەن قاتار جاڭادان 28 جوبا ءۇشىن بيۋدجەتتەن قارجى ءبولىندى, دەپ حابارلايدى Egemen.kz.
ولاردىڭ 16-سى قىزىلوردا قالاسىنا تيەسىلى, ارال جانە جاڭاقورعان اۋداندارىندا 1 جوبادان, 6-ۋى قارماقشى, 2-ءۋى شيەلى اۋدانىندا ىسكە اسادى. سونىمەن قاتار 4 جوبا وبلىستىق قۇرىلىس باسقارماسى ارقىلى جۇرگىزىلەدى.
وڭىردە بيىل جول كارتاسىن جۇزەگە اسىرۋعا 11,7 ملرد تەڭگە كولەمىندە ليميت بەلگىلەنگەن. ونىڭ 93,2 پايىزى, ياعني 10,9 ملرد تەڭگە ينۆەستيتسيالىق جوبالارعا, 6,7 پايىزى شاعىن نەسيەلەندىرۋگە باعىتتالماق.
ايتۋ كەرەك, بيىل ىسكە اسىرىلاتىن جوبالار شەڭبەرىندە اۋدانداردا كوشەلەردى جوندەۋ, اۋىلدىق كلۋب عيماراتىن قايتا جاڭعىرتۋ, سۋ قۇبىرى جەلىلەرىنىڭ قۇرىلىسىن باستاۋ جۇمىستارى قولعا الىناتىن بولادى.