قارجى مونيتورينگى جونىندەگى اگەنتتىگى «Tengri Bank» اكتسيونەرلىك قوعامىنىڭ باسشىلىعىندا بولعان ەكى ادامعا ىزدەۋ جاريالادى, دەپ حابارلايدى Egemen.kz
اتاپ ايتقاندا, اگەنتتىك «Tengri Bank» اق اكىمشىلىك-شارۋاشىلىق دەپارتامەنتىنىڭ بۇرىنعى ديرەكتورى باقىتوۆ الماس باقىت ۇلىنا (1977 جىلى تۋعان) جانە بانككە باعىنىشتى كومپانيالارىنىڭ ءبىرىنىىڭ باسشىسى بولعان راحمەتوۆا (بايجانوۆا) توعجان تىلەۋجانقىزىنا (1991 جىلى تۋعان) ىزدەۋ جاريالادى.
اتالعان ادامدارعا حالىقارالىق ىزدەۋ جاريالانعان. ۇستالعان جاعدايدا ولار بىردەن تۇتقىندالادى. اگەنتتىك وسى كىسىلەر جايلى بىردەڭە بىلگەن ازاماتتارعا 8 (7172) 708-478 نەمەسە 8 777 111 93 77 نومىرلەرىنە حابارلاسۋدى سۇرايدى.
ەسكە سالا كەتەيىك, وتكەن جىلى قارجى نارىعىن رەتتەۋ جانە دامىتۋ اگەنتتىگى Tengri Bank-ءتى بانكتىك جانە وزگە دە وپەراتسيالاردى جۇرگىزۋ جونىندەگى ليتسەنزياسىنان ايىرعان ەدى.