شىمكەنتتە مەديتسينالىق ۇيىمدار جاڭا اقپاراتتىق جۇيەگە كوشتى

اۋىسىمىنا 500 كەلۋشىنى قابىلدايتىن ەمحانا حالىققا قولجەتىمدى, ساپالى جانە قاۋىپسىز قىزمەتتەرمەن امبۋلاتوريالىق جانە ستاتسيونارلىق كومەك كورسەتۋدە. ەمحاناعا تىركەلگەن تۇرعىندار سانى – 72 173.

بۇگىنگى تاڭدا ەمحانا 100 پايىز اقپاراتتىق جۇيەگە قوسىلىپ, بارلىق باعىتتاعى قىزمەت ەلەكتروندى تۇردە كورسەتىلىپ جاتىر. تۇرعىندار دارىگەرگە جازىلۋ, دارىگەردى ۇيگە شاقىرتۋ, زەرتحانالىق تالداۋلار قورىتىندىسىن الۋ, ءدارى-دارمەك رەتسەپتىسى جانە ت.ب. قىزمەتتتەردى جاڭا جۇيەمەن الادى. ياعني مۇندا ەلىمىزدە العاشقى بولىپ جۇكتى ايەلدەردىڭ مونيتورينگى اۆتوماتتاندىرۋ جۇيەسىنە كوشتى.

باس دارىگەر ا.قىلىشباەۆا اۋرۋدىڭ الدىن الۋ, پاتسيەنتتەردىڭ دەنساۋلىقتارىن باقىلاۋدا ۇستاۋ جانە ولارعا تالداۋ جاساۋ ماقساتىندا اشىلعان سيتۋاتسيالىق ورتالىقتىڭ جۇمىسىن ءتۇسىندىرىپ بەردى.

– اقپاراتتىق جۇيە ارقىلى بىزدە تىركەۋدە تۇرعان ءاربىر پاتسيەنتتىڭ دەنساۋلىق جاعدايىن قاداعالاۋعا مۇمكىندىك بار. ماسەلەن, بوسانعان انانىڭ پەرزەنتحانادان شىققان كۇنى, انا مەن بالانىڭ دەنساۋلىق جاعدايى سەكىلدى اقپاراتتاردى ۋاقىتىندا ءبىلىپ وتىرامىز. وعان تالداۋ جاسالادى. ارى قاراي ماماندارىمىز انا مەن بالانىڭ دەنساۋلىعىن ءوز باقىلاۋىنا الادى. ونلاين رەجىمدە بارلىق سيتۋاتسيالىق جاعدايلاردى نازاردا ۇستايمىز, – دەيدى باس دارىگەر.

سونداي-اق مەكەمەدە ەمدەۋ-دەنەشىنىقتىرۋ كابينەتى, بالالارعا ارنالعان ارنايى الاڭقاي, مەديتسينالىق كومەكتىڭ كەپىلدەندىرىلگەن كولەمى شەڭبەرىندە تەگىن جانە جەڭىلدەتىلگەن ءدارى-دارمەكتەرمەن قامتاماسىز ەتەتىن ءدارىحانا جۇمىس ىستەپ جاتىر.

ەمحانا بۇگىندە بارلىق قاجەتتى ماتەريالدىق-تەحنيكالىق جابدىقتارمەن جابدىقتالعان. جىل باسىنداعى جاعداي بويىنشا مەكەمەنىڭ جابدىقتاۋ كورسەتكىشى – 79,08%. مەديتسينالىق تەحنيكانىڭ توزۋى – 61%, نەگىزگى قۇرالداردىڭ توزۋى – 39,40%, مەديتسينالىق تەحنيكانى پايدالانۋ تيىمدىلىگى – 86,12% جانە كومپيۋتەرلەرمەن جابدىقتالۋى 70,15%-ى قۇرايدى.