«ەنەردجي-تاراز» كومپانياسى جارىقشامداردىڭ 40-تان استام ۇلگىسىن شىعارادى, دەپ حابارلايدى Egemen.kz يدم ءباسپاسوز قىزمەتىنە سىلتەمە جاساپ.
جارىقديودتى شامدار شىعاراتىن زاۋىت 2011 جىلى ىسكە قوسىلعان. زاۋىتتا گەرمانيا, چەحيا, وڭتۇستىك كورەيا, تۇركيا, قىتايدان جابدىقتار ورناتىلعان.
قازىرگى ۋاقىتتا ءوندىرىس وشاعىندا شامداردىڭ 40-تان استام ۇلگىسى شىعارىلادى, كورپۋستاردىڭ, جارىقديودتى مودۋلدەردىڭ, قۋات كوزدەرىنىڭ جانە باسقا كومپونەنتتەردىڭ وزىندىك ءوندىرىسى بار. وندىرىستىك قۋاتى جىلىنا 5 000 شام جانە 500 جيىنتىقتى ترانسفورماتورلىق قوسالقى ستانتسيالار.
ايتا كەتۋ كەرەك, ونىمدەگى قازاقستاندىق قامتۋ ۇلەسى 70-80% - عا دەيىن جەتكىزىلدى. كومپانيادا CT KZ سەرتيفيكاتتارى جانە № 3353 پاتەنت № 105693 زياتكەرلىك مەنشىككە كۋالىگى بار. شامداردا 190 لم/ۆت دەيىن جارىق شىعاراتىن اقش, گەرمانيا, وڭتۇستىك كورەيانىڭ جەتەكشى الەمدىك وندىرۋشىلەرىنىڭ جارىق ديودتارى پايدالانىلادى.
"قازاقستاننىڭ ۇزدىك تاۋارى-2015" سىيلىعىن العان جارىقشامدار ارنايى ستەندتە جانە جاڭبىرلاتقىش كامەرادا تەستىلەنەدى, بۇل تاۋاردىڭ ساپاسىنا سەنىمدىلىك پەن 5 جىلعا دەيىن كەپىلدىك بەرەدى. ونىمدەر ىشكى نارىقتان بولەك, جاقىن شەت ەلدەردە - قىرعىزستان, تاجىكستان جانە تۇرىكمەنستاندا ساتىلادى.
جارىقتاندىرۋ قۇرىلعىلارىن شىعارۋمەن قاتار, كومپانيا ەلەكترلىك قوسالقى ستانتسيالاردى قۇراستىرۋ جانە مونتاجداۋ بويىنشا قىزمەتتەرمەن كەڭىنەن تانىمال, سونىمەن قاتار ەلەكترلىك جۇمىستاردىڭ تولىق كەشەنىن جۇزەگە اسىرادى. "ەنەردجي-تاراز" كومپانياسىنىڭ ماماندارى ەنەرگەتيكالىق نىسانداردى قايتا قۇرۋ جانە سالۋ بويىنشا 500-دەن استام جوبانى ىسكە اسىردى. 500 شاقىرىمنان استام اۋە جانە كابەل جەلىلەرى تارتىلدى, اۆتوجولدار بويىنداعى ەسكىرگەن جارىقتاندىرۋ جۇيەلەرى, سونىڭ ىشىندە "باتىس ەۋروپا – باتىس قىتاي" جوباسى شەڭبەرىندە قايتا جاڭارتىلدى. جوبالاردى ىسكە اسىرۋ كەزىندە زاماناۋي تەحنولوگيالار مەن ماتەريالدار پايدالانىلدى. جۇمىس ۋاقىتىندا جانە جوعارى ساپالى ورىندالادى, وعان ەل ازاماتتارىنىڭ كوپتەگەن وڭ پىكىرلەرى دالەل.
الەۋمەتتىك باعدارلانعان ءوندىرىستى قۇرعانى ءۇشىن كومپانيا پرەزيدەنتتىك "پارىز" سىيلىعىنا يە بولدى. ويتكەنى, ونىڭ جۇزدەن استام جۇمىسشىلارىنىڭ ۇشتەن ءبىرىن مۇمكىندىگى شەكتەۋلى جاندار قۇرايدى. ولار ءۇشىن "ەنەردجي-تاراز" – ءۇمىت پەن بولاشاق ومىرگە دەگەن سەنىمنىڭ وشپەيتىن قاينار كوز.