الماتى قالاسىنىڭ قاق ورتاسىندا جىلۋ قۇبىرى جارىلىپ, 9 ادام زارداپ شەكتى. رايىمبەك داڭعىلى بويىنداعى قۇبىرلاردىڭ بىرىنەن اتقىلاعان ىستىق سۋدان كۇيىپ قالعاندار بار. بۇل تۋرالى «استانا» تەلەارناسى حابارلادى.
بىزگە كەلىپ تۇسكەن اقپاردا جول بويىمەن ءوتىپ بارا جاتقان 14 جاستاعى قىز بالانىڭ قالالىق جەدەل جاردەم اۋرۋحاناسىنا جاتقىزىلعانى تۋرالى ايتىلادى. ال جەكە باستارى انىقتالماعان تاعى 2 ناۋقاس اۋىر جاعدايدا جان ساقتاۋ بولىمىنە تۇسكەن. دارىگەرلەر ولاردى3- 4-ءشى دارەجەلى كۇيىك شالعانىن ايتتى.تاعى 2 ناۋقاس وبلىستىق كوپ سالالى اۋرۋحاناعا جەتكىزىلگەن. «وقيعا ورنىنا بارعان جەدەل جاردەم دارىگەرلەرى 9 ادامنىڭ جاپا شەككەنىن انىقتادى. ونىڭ ىشىندە ءبىر ءجاسوسپىرىم بار. ءارتۇرلى دەڭگەيدەگى كۇيىكپەن جەتكىزىلگەن ناۋقاستار قازىر ەم قابىلداپ جاتىر. ولاردىڭ دەنەسى ىستىق سۋ مەن بۋعا كۇيىپ قالعان»,-دەيدى الماتى قالاسى جەدەل جاردەم ستانتسياسى باس دارىگەرىنىڭ ورىنباسارى ۆلاديمير پوتاپەنكو. ماماندار جىلۋ جەلىسىنىڭ توزۋىنا بايلانىستى اپات ورىن العانىن ايتىپ وتىر. سوندىقتان قالپىنا كەلتىرۋ جۇمىستارى اياقتالعانشا, جىلۋ ۋاقىتشا توقتاتىلعان.
«اپات سالدارىنان19 كوپ قاباتتى تۇرعىن ءۇي, 36 مەكەمە جىلۋدان قاعىلدى. الداعى 7-8 ساعاتتا قالپىنا كەلتىرۋ جۇمىستارى اياقتالادى دەگەن ويدامىز»,-دەيدى «الماتى جىلۋ حولدينگى» مكك باس ينجەنەرى ايبەك ەسىموۆ.
باقىتبەك كەنەش ۇلى.
دەرەككوز: «استانا» تەلەارناسى
فوتو: Ura.ru