شىمكەنت قالاسىندا تۇراتىن العاشقى قازاقستاندىق بىرجولعى زەينەتاقى تولەمدەرىن پايدالانا وتىرىپ باسپانالى بولدى. بۇل تۋرالى «وتباسى بانك» Instagram پاراقشاسىندا جاريالاندى, دەپ حابارلايدى Egemen.kz.
- مەن ءوزىمنىڭ زەينەتاقى جيناقتارىمنىڭ جەتكىلىكتىلىك شەگىنەن اساتىن بولىگىن پايدالانۋعا بولاتىنىن الەۋمەتتىك جەلىلەردەن ءبىلدىم. ونلاين-پلاتفورما ىسكە قوسىلعاننان كەيىن, كەلەسى كۇنى قاراجاتتى پايدالانۋعا ءوتىنىم بەردىم. ال 1 اقپاندا مەنىڭ ارنايى شوتىما ءبىر جولعى زەينەتاقى تولەمدەرى ءتۇستى, - دەيدى سالىمشى.ول تۇرعىن ءۇيدى ۇلەستىك قاتىسۋ شارتى اياسىندا ساتىپ العان. ال يپوتەكانى وتباسى بانكىنەن شەشۋدى ۇيعارعان.- باستاپقى جارنا رەتىندە زەينەتاقى جيناقتارىمدى قولداندىم. يپوتەكانى وتباسى بانكتەگى ارالىق زاەم ارقىلى راسىمدەدىم. سەبەبى پايىزدىق مولشەرلەمەسى جانە راسىمدەۋ جىلدامدىعى ۇنادى, - دەدى ول.سالىمشىنىڭ ايتۋىنشا نەسيە بويىنشا ماقۇلداما تەز بەرىلگەن. نە بارى 3 مينۋت ىشىندە ول بانكتىڭ ماقۇلداۋىن الىپ, نەسيەنى راسىمدەۋگە كوپ ۋاقىت جۇمساماعان.