وڭتۇستىك قازاقستان وبلىسىندا مۇناي ۇرلادى دەپ ايىپتالعان 15 ادام سوتتالدى. ۇيىمداسقان توپ جارتى جىلدا 400 توننا شيكىزاتتى قولدى قىلعان. بۇل تۋرالى «استانا» تەلەارناسى حابارلادى.
قىلمىستىق توپ مۇشەلەرى «پاۆلودار-شىمكەنت» مۇناي قىبىرى ارقىلى وتەتىن «قارا التىنعا» قول سالعان ەكەن. جالپى, وسى ءىس بويىنشا ايىپتالعاندار – 16 ادام. سونىڭ ىشىندەگى 5-ءى جەرگىلىكتى جەردەگى اسفالت-بەتون زاۋىتىنىڭ ەڭبەككەرلەرى. اتالعان قۇبىردى باقىلايتىن «سەمسەر-سەكيۋريتي» سەرىكتەستىگى باسشىلارى دا جازاعا تارتىلدى. سوت ۇكىمىمەن قىلمىستىق توپ جەتەكشىسى 8 جىلعا باس بوستاندىعىنان ايرىلدى. تاعى 1 ايىپكەر 5 جىلعا سوتتالسا, 7 ادام 5 جىل 3 ايدى ارقالادى, 6 ادام 2 جىلعا شارتتى جازاعا كەسىلدى. ال قىلمىسقا قاتىسى بار دەگەن 1 ازامات تەرگەۋ ىسىنە كومەكتەسكەنى, شىعىندى وتەگەنى ءۇشىن سوت زالىنان بوساتىلدى.
«ۇيىمداسقان قىلمىستىق توپقا قاتىسى بار دەپ ايىپ تاعىلعان 11 ادام. ودان بولەك انىقتالماعان بىرنەشە تۇلعالار بار. قازىر ولارعا ىزدەۋ جاريالاندى»,-دەيدى وڭتۇستىك قازاقستان وبلىسى قىلمىستىق ىستەر جونىندەگى مامانداندىرىلعان اۋدانارالىق سوتىنىڭ سۋدياسى ءابينۇر قاراباەۆ.
جەرگىلىكتى وڭىردە ورىن العان وسى مۇناي ۇرلىعىنان «قازترانسويل» اق-عا 17 ملن. تەڭگە زالال كەلگەن. قىلمىستىق توپتىڭ بۇل ارەكەتىن قارجى پوليتسياسىنىڭ وكىلدەرى اشكەرەلەپتى.
باقىتبەك كەنەش ۇلى.
دەرەككوز: «استانا» تەلەارناسى
فوتو: mk-turkey.ru