سانيتاريالىق - ەپيدەميولوگيالىق باقىلاۋ كوميتەتى وتكەن تاۋلىكتە حالىقارالىق اۆيارەيستەرمەن كەلگەن جولاۋشىلار بويىنشا اقپارات تاراتتى, دەپ حابارلايدى Egemen.kz.
وتكەن تاۋلىكتە ەل اۋماعىنا گەرمانيا, كورەيا, مالديۆ رەسپۋبليكاسى, ساۋد ارابياسى, ءباا, مىسىر, تۇركيا, رف, قىرعىزستان جانە وزبەكستاننان 14 حالىقارالىق اۋە رەيسى كەلدى.
1816 اۋە جولاۋشىلارىنىڭ ىشىندە پتر-تەستىلەۋدىڭ تەرىس ناتيجەسى بار انىقتامامەن 1 625 ادام, انىقتاماسىز 191 قازاقستان ازاماتى كەلدى.
ونىڭ ىشىندە:
الماتى قالاسىنىڭ اۋەجايىنا – 8 رەيس, 1 489 جولاۋشى, انىقتامامەن - 1 300, انىقتاماسىز - 189;
نۇر-سۇلتان قالاسىنىڭ اۋەجايىنا – 5 رەيس, 322 جولاۋشى, انىقتامامەن - 320; انىقتاماسىز - 2;
پاۆلودار قالاسىنىڭ اۋەجايىنا – 1 رەيس, بارلىق 5 جولاۋشى انىقتامامەن كەلگەن.
انىقتاماسىز كەلگەن قازاقستان ازاماتتارى كەلگەن جەرلەرى بويىنشا COVID-19-عا پتر-تالداۋ ادىسىمەن تەستىلەندى جانە كارانتيندىك ستاتسيونارلاردا ءوز ناتيجەلەرىن كۇتۋدە.
2021 جىلدىڭ 1 اقپانىندا انىقتاماسىز كەلگەن بارلىق 133 قر ازاماتىنىڭ پتر-تالداۋلارى تەرىس ناتيجە كورسەتتى.