الماتىدا تجو-دا ءورت كەزىندە 20-عا جۋىق كولىك ورتەندى. ءورت سالدارىنان زارداپ شەككەندەر جوق. بۇل تۋرالى تجم رەسمي وكىلى تالعات ءۋالي مالىمدەدى, دەپ حابارلايدى Egemen.kz.
بەلگىلى بولعانداي, ءورت ساتپاەۆ كوشەسىندەگى №139 ۇيدە بولعان. ءورت تۋرالى حابارلاما 2 اقپاندا ساعات 21.52-دە الماتى تجد كەزەكشىسىنىڭ پۋلتىنە كەلىپ تۇسكەن. ءورت سوندىرۋشىلەر كەلگەن ۋاقىتتا تجو اشىق جالىنمەن جانىپ جاتقانى انىقتالعان. ءورتتى ءسوندىرۋ كەزىندە جارىلىس بولعان.
ت. ءۋاليدىڭ ايتۋىنشا الدىن الا ەسەپتەۋلەرگە سايكەس 20-عا جۋىق كولىك ورتەنگەن. جىلۋ اسەرىنەن 4 كولىك زاقىمدانعان. تاعى 15 كولىك ەۆاكۋاتسيالاندى. شامامەن 600 شارشى مەتر جەر ورتەندى. ال عيماراتتىڭ جالپى اۋماعى - 1300 شارشى مەتر.
«ساعات 23.09-دا ءورت اۋىزدىقتالىپ, ساعات 23.47-دە ءسوندىرىلدى. تجو-نىڭ قاسىندا ورنالاسقان جانارماي قۇيۋ بەكەتىنە (وڭتۇستىك جاعىندا) ءورتتىڭ تارالۋىنا جول بەرىلمەدى. زارداپ شەككەندەر جوق. ءورتتىڭ نەدەن شىققانى انىقتالىپ جاتىر», دەدى ول.