شىمكەنت قالاسىندا 81 ەلدى مەكەننىڭ 18-ءى كارىز جۇيەسىمەن قامتىلعان. قالعان ايماقتاردى قامتۋ جۇمىسى كەزەڭ-كەزىڭمەن اتقارىلىپ جاتىر. بيىل قالادا 19 نىساندا قۇرىلىس باستالعان. سونىڭ ىشىندە 3 ماگيسترالدىق كوللەكتورىنىڭ 19 ىشكى ورامدىق جۇيەسى بار, دەپ حابارلايدى Egemen.kz
وتكەن جىلى قالادا شىمسيتي, تۇران, توعىس شاعىن اۋداندارى مەن «اكىمشىلىك ىسكەرلىك ورتالىعىنداعى» كوپقاباتتى ۇيلەر كارىز جۇيەسىنە قوسىلدى. ناتيجەسىندە قامتىلۋ كورسەتكىشى 49,1%-دان 52,3%-عا ءوستى.
بيىل 5 نىساننىڭ قۇرىلىسى اياقتالىپ, 18 مىڭ ادام كارىز جۇيەسىنە قوسىلادى. جىل سوڭىنا دەيىن قامتىلۋ كورسەتكىشى 54%-عا وسەدى.
قالانىڭ وڭتۇستىك پەن سولتۇستىك بولىگىن كارىزبەن قامتۋدىڭ 2022-2025 جىلدارىنا ارنالعان جوسپارىنا سايكەس كارىز تازالاۋ ستانتسياسى مەن سورعى ستانتسياسىنىڭ كوللەكتورلارى جانە ەلدى مەكەندەردە ىشكى جۇيەلەر قۇرىلىسىن جۇرگىزۋ جوسپارلانىپ وتىر. بۇل جۇمىستار اياقتالسا, 2025 جىلى كارىزبەن قامتۋ كورسەتكىشى 75 پايىزعا جەتەدى.