تۇركىستان وبلىسىنىڭ پوليتسەيلەرى جولدا قالعان جۇرگىزۋشىنىڭ كولىگىن شىعارىپ, كومەك كورسەتتى, دەپ حابارلايدى Egemen.kz Polisia.kz سايتىنا سىلتەمە جاساپ.
تۇركىستان وبلىسى پد جپق پاترۋلدىك پوليتسيا باتالونىنىڭ ينسپەكتورلارى ۇمبەت جامالوۆ پەن جاسۇلان اندوسوۆ وزدەرىنىڭ قىزمەتتىك كولىكتەرىمەن پاترۋلدەۋ كەزىندە مىناداي وقيعاعا كەزىكتى. پوليتسەيلەر اۋا رايىنىڭ قولايسىزدىعىنا بايلانىستى جول ۇستىندە اۋىر جۇك كولىكتىڭ تىعىلىپ, جۇرگىزۋشىنىڭ ابىگەرگە ءتۇسىپ جاتقانىن بايقايدى.
وسىدان سوڭ پوليتسيا قىزمەتكەرلەرى كولىكتىڭ جانىنا توقتاپ, وعان كومەك بەرەدى. نەبارى از عانا ۋاقىتتىڭ ىشىندە تىعىلىپ تۇرعان كولىكتى شىعارىپ, جۇرگىزۋشىگە تاپسىرادى. پوليتسەيلەردىڭ وسىنداي كومەگىنە جۇرگىزۋشى ءوز العىسىن جەتكىزدى.– سامارا-شىمكەنت جولىندا كەلە جاتىر ەدىم, كەنەتتەن كولىگىممەن جولدا قالىپ قويدىم. جولدا تۇرعانىمدى كورىپ توقتاپ كومەك كورسەتكەن مىنا – ۇمبەت پەن جاسۇلان دەگەن پوليتسەيلەرگە راقمەت. جولدارىڭ بولسىن! قايدا بولساڭدار دا امان بولىڭدار, – دەپ العىس ايتتى.
ءوز كەزەگىندە, ءتارتىپ ساقشىلارى ەلدى مەكەندەردەن تىس جەرلەرگە شىعۋ قيىن ەكەنىن ەسكەرتەدى جانە ازاماتتارعا الىس جولدارعا بارماۋعا كەڭەس بەرەدى, شۇعىل قاجەتتىلىكسىز كوشەگە شىقپاعان ءجون. ساپارعا شىققان جاعدايدا جولداردا بارىنشا مۇقيات جانە اباي بولۋ كەرەك, جىلدامدىق رەجيمىن, مانەۆر جاساۋ ەرەجەلەرىن قاتاڭ ساقتاۋ قاجەت.