ەلوردا اكىمىنىڭ ورىنباسارى باقتيار ماكەننىڭ توراعالىعىمەن قوعامدىق دەنساۋلىق ساقتاۋ باسقارماسىنىڭ وتىرىسى ءوتتى, دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.
قاتىسۋشىلار قازاقستان رەسپۋبليكاسىنىڭ دەنساۋلىق ساقتاۋ سالاسىن دامىتۋدىڭ 2020-2025 جىلدارعا ارنالعان مەملەكەتتىك باعدارلاماسىنىڭ قورىتىندىلارىن جاريالادى. وسىلايشا, ەلوردا مەملەكەتتىك باعدارلامانىڭ 19 ماڭىزدى ينديكاتورىنا قول جەتكىزدى. سونىمەن قاتار, نۇر-سۇلتاندا مەديتسينالىق-دەموگرافيالىق كورسەتكىشتەر جاقسارىپ, تىركەلگەن ازاماتتاردىڭ ەلەكتروندىق دەنساۋلىق پاسپورتتارى جاسالدى.
سونداي-اق, ەلوردادا 2 100 ادامنان تۇراتىن كادرلىق رەزەرۆ قۇرىلدى, ولار كۆي بار پاتسيەنتتەردى دياگنوستيكالاۋ جانە ەمدەۋ بويىنشا وقىتىلدى. پاندەميا باستالعالى بەرى شامامەن 24 مىڭ پاتسيەنتكە قىزمەت كورسەتكەن ءموبيلدى بريگادالار تۋرالى دا ەستەن شىعارماۋ كەرەك, ولار قاشىقتىق فورماتتا 53 مىڭ ادامعا كومەك كورسەتتى.
قالالىق دەنساۋلىق ساقتاۋ باسقارماسىنىڭ حابارلاۋىنشا, ينسۋلت كەزىندەگى 320 نەيروحيرۋرگيالىق وپەراتسيانىڭ 102-ءسى جوعارى تەحنولوگيالاردى قولدانا وتىرىپ جاسالعان.
مەملەكەت باسشىسى قاسىم-جومارت توقاەۆ ۇكىمەتتىڭ كەڭەيتىلگەن وتىرىسىندا سويلەگەن سوزىندە دەنساۋلىق ساقتاۋ جۇيەسى پاتسيەنتتەرگە باعدارلانۋى, ولاردىڭ مۇددەلەرىن, دەنساۋلىعى مەن ءومىرىن ءبىرىنشى ورىنعا قويۋى ءتيىس ەكەنىن اتاپ ءوتتى.
پرەزيدەنت انا ءولىمى ماسەلەسىنە ەرەكشە نازار اۋداردى. وعان سەبەپ رەتىندە پەرزەنتحانالار ناشار جابدىقتالعانىن ايرىقشا اتاپ وتكەن بولاتىن.
"بارلىق دەنساۋلىق ساقتاۋ ۇيىمدارى تۇگەندەۋ جۇرگىزۋ قاجەت. بۇل رەتتە بوساندىرۋ جانە رەانيماتسيا قىزمەتتەرىنە نازار اۋدارۋ, سونداي-اق ولاردى مەديتسينالىق جابدىقتارمەن, ءدارى-دارمەكتەرمەن جانە بۇيىمدارمەن جابدىقتاۋ بويىنشا شارالار قابىلداۋ ماڭىزدى", - دەپ تاپسىردى باقتيار ماكەن القا وتىرىسىندا.
سونىمەن قاتار, اكىمنىڭ ورىنباسارى وتكەن جىلدىڭ قورىتىندىسى بويىنشا كوپبەيىندى اۋرۋحانالار سالۋ, جۇمىس ىستەپ تۇرعان مەديتسينالىق ۇيىمداردىڭ كورپۋستارىن رەكونسترۋكتسيالاۋ جانە قالالىق ەمحانالار سالۋ ارقىلى ەلوردالىق دەنساۋلىق ساقتاۋ جەلىسىن دامىتۋعا مۇددەلى شەتەلدىك ينۆەستورلارمەن بىرقاتار كەزدەسۋلەر وتكىزىلگەنىن اتاپ ءوتتى.
"قالانىڭ تۇرعىن ءۇي الاپتارىندا مساك ورتالىقتارىن سالۋ جوسپاردا بار, بۇل ەلوردانىڭ شالعاي اۋداندارىندا تۇراتىن حالىققا مەديتسينالىق كومەك كورسەتۋگە مۇمكىندىك بەرەدى", - دەدى ب.ماكەن.
ول ەلوردانىڭ مەديتسينالىق ۇيىمدارىنا مەديتسينا قىزمەتكەرلەرىنىڭ بىلىكتىلىگىن ۇزدىكسىز ارتتىرۋدى جانە مساك ۇيىمدارىنىڭ رەپرودۋكتيۆتى دەنساۋلىقتى قورعاۋ جونىندەگى جۇمىسىنىڭ تيىمدىلىگىن ارتتىرۋدى تاپسىردى.