بجزق تۇرعىن ءۇي جاعدايلارىن جاقسارتۋ ءۇشىن قازاقستاندىقتاردىڭ ارنايى شوتتارىنا 49 ميللياردتان استام تەڭگە اۋداردى, دەپ حابارلايدى Egemen.kz.
2021 جىلعى 1 اقپاندا بجزق «وتباسى بانكى» تۇرعىن ءۇي قۇرىلىس جيناق بانكى» اق ۋاكىلەتتى وپەراتورىنان قورعا 25 قاڭتاردا كەلىپ تۇسكەن وتىنىشتەر بويىنشا تولەم جۇرگىزۋدى باستادى. جيناقتاردى ۋاكىلەتتى وپەراتورعا اۋدارۋ ۋاكىلەتتى وپەراتوردان بجزق-عا سالىمشىنىڭ ءوتىنىشى كەلىپ تۇسكەننەن كەيىنگى 5 جۇمىس كۇنى ىشىندە جۇزەگە اسىرىلادى.
ەستەرىڭىزگە سالا كەتەيىك, 25 قاڭتاردا, ياعني «وتباسى بانكى» اق-دان وتىنىشتەر تۇسكەن العاشقى كۇنى جالپى سوماسى شامامەن 49,2 ملرد تەڭگەگە 8 460 ءوتىنىش (نەمەسە بەرىلگەن وتىنىشتەردىڭ جالپى سانىنىڭ 82%) تەكسەرۋدەن ءساتتى ءوتتى. ءدال وسى سوما «وتباسى بانكى» اق-عا سالىمشىلاردىڭ ارنايى شوتتارىنا ودان ءارى ماقساتتى پايدالانۋ ءۇشىن اۋدارىلدى.
ازاماتتاردىڭ تۇرعىن ءۇي جاعدايلارىن جاقسارتۋ جانە (نەمەسە) ەمدەلۋگە اقى تولەۋ ءۇشىن زەينەتاقى جيناقتارىن نىسانالى پايدالانۋ شارتتارىنا بايلانىستى بارلىق ماسەلەلەرىن ۋاكىلەتتى وپەراتور ء«بىر تەرەزە» قاعيداتى بويىنشا قارايدى جانە ارنايى شوتقا اقشا تۇسكەننەن كەيىن وسى ماسەلەلەر بويىنشا بجزق-عا جەكەلەگەن وتىنىشتەر تالاپ ەتىلمەيدى.