قازاقستاندا قۇرىلىس جوبالارىنىڭ جاڭا مەملەكەتتىك بانكى ىسكە قوسىلدى

«بەكىتىلگەن ادىستەمەلەرگە سايكەس جەرگىلىكتى قامتۋ ۇلەسى بويىنشا مالىمدەلگەن سانداردى قايتا تەكسەرۋ» تاپسىرماسىنا قاتىستى مينيستر اتاپ ايتقانداي, بۇل تاپسىرمانى ورىنداۋ ءۇشىن وڭىرلەرگە كوشپەلى تەكسەرۋلەر ۇيىمداستىرىلادى. جۇمىس توبى جانە كوشپەلى تەكسەرۋلەر كەستەسى قۇرىلدى. توپ قۇرامىنا باس پروكۋراتۋرا, قارجى, ۇلتتىق ەكونوميكا جانە ەنەرگەتيكا مينيسترلىكتەرىنىڭ وكىلدەرى كىردى.

«وتاندىق تاۋارلاردىڭ, جۇمىستار مەن قىزمەتتەردىڭ قولدانىلۋىن راستايتىن بارلىق كونكۋرستىق قۇجاتتاردى تەكسەرۋدى جوسپارلاپ وتىرمىز. بۇگىنگى تاڭدا جەرگىلىكتى قامتۋ ۇلەسىنىڭ كورسەتكىشتەرى پاۆلودار, اقتوبە, باتىس قازاقستان جانە قوستاناي وبلىستارىندا تومەن بولىپ وتىر», دەدى ب. اتامقۇلوۆ.

جۇمىسپەن قامتۋ جول كارتاسى شەڭبەرىندە وڭىرلەردە جالپى سوماسى 882,2 ملرد تەڭگەگە 6491 جوبا ىسكە اسىرىلىپ جاتىر.

«شىعىستاردى جوسپارلاۋ كەزەڭىندە (تەحنيكالىق-ەكونوميكالىق نەگىزدەمە جانە جوبالاۋ-سمەتالىق قۇجاتتاما) باعانى كوتەرۋگە مۇمكىندىك بەرمەيتىن تەتىكتەردى ەنگىزۋ» تاپسىرماسىنا قاتىستى

بۇگىنگى تاڭدا بيۋدجەتتىك ينۆەستيتسيالار ەسەبىنەن ىسكە اسىرۋ كەزىندە ۇلگىلىك جوبالاردى مىندەتتى تۇردە قولدانۋ زاڭنامامەن بەلگىلەنگەن. بيىل 10 قاڭتاردا قۇرىلىس جوبالارىنىڭ جاڭا مەملەكەتتىك بانكى ىسكە قوسىلدى, بۇل وڭ ساراپتاما قورىتىندىلارى بار جوبالاردى قايتا قولدانۋعا قوسىمشا مۇمكىندىك بەرەدى. 2020 جىلدىڭ 1 مامىرىنان باستاپ ساراپتاما پورتالىندا الەۋمەتتىك نىساندار قۇرىلىسى قۇنىنىڭ شەكتى ليميتتەرىن بەلگىلەيتىن ونلاين-كالكۋلياتور ىسكە قوسىلدى.

«بيۋدجەت زاڭناماسىندا تىيىم بەلگىلەندى, ەندى بيۋدجەتتەن راستالعان قارجىلاندىرۋسىز جوبالاردى ازىرلەۋگە جول بەرىلمەيدى. وعان قوسىمشا, وڭىرلەردە قاجەتسىز جوبالاردى ازىرلەۋدى بولدىرماۋ ءۇشىن جوسپارلاۋ كەزىندە وبەكتىنى سالالىق ورتالىق مەملەكەتتىك ورگاندارمەن الدىن الا كەلىسۋدى كوزدەۋدى ۇسىنامىز», دەدى ب. اتامقۇلوۆ.

ء«اربىر ارنايى ەكونوميكالىق ايماق بويىنشا ورىندىلىققا تالداۋ جۇرگىزۋ جانە ارنايى ەكونوميكالىق ايماقتاردىڭ جۇمىس ىستەۋىنىڭ جاڭا مودەلىن ازىرلەۋ» تاپسىرماسىنا قاتىستى مەملەكەت باسشىسى ارنايى ەكونوميكالىق ايماقتار قىزمەتىنىڭ تيىمدىلىگى تومەندىگىن جانە جوبالاردىڭ ءالسىز تولىقتىرىلۋى بايقالاتىنىن اتاپ ءوتتى. مىسالى, جامبىل وبلىسىنداعى حيمپارك-تاراز اۋماعىندا قۇرىلعان ساتتەن باستاپ بارلىعى 1 جوبا ىسكە قوسىلعان. الماتى وبلىسىندا قورعاس-شىعىس قاقپاسى مەن «قورعاس» حالىقارالىق شەكارالىق ىنتىماقتاستىق ورتالىعىندا دا جاعداي وسىنداي.

مينيستر اتاپ وتكەندەي, ۆەدومستۆو ءاربىر ارنايى ەكونوميكالىق ايماق بويىنشا تالداۋ جۇرگىزدى, دامىعان ەلدەردىڭ تاجىريبەسى زەردەلەندى. مىناداي جاڭا تاسىلدەر ۇسىنىلادى: 

ءبىرىنشى. جۇمىس ىستەۋ مەرزىمىن 49 جىلعا دەيىن ۇزارتۋ ۇسىنىلادى, ويتكەنى ينۆەستيتسيالىق جوبالاردى ىسكە اسىرۋدىڭ وڭتايلى مەرزىمى وسىنداي.

ەكىنشى. ارنايى ەكونوميكالىق ايماقتاردىڭ اۋماقتارىنداعى قىزمەت تۇرلەرىنىڭ باسىمدىعىن الىپ تاستاۋ جانە وڭدەۋشى ونەركاسىپتىڭ بارلىق سالالارى مەن سەكتورلارى ءۇشىن قولجەتىمدىلىكتى قامتاماسىز ەتۋ.

ءۇشىنشى. ءاربىر ينۆەستور ءۇشىن جەڭىلدىكتى توپتامانىڭ ينۆەستيتسيالار كولەمى بويىنشا ولشەمدەرگە سايكەستىگىنە (قولدانىلۋىنا) بايلانىستى ءتۇرلى قولدانىلۋ مەرزىمدەرىن ۇسىنۋ (5 جىلدان 20 جىلعا دەيىن).

ءتورتىنشى. جاۋاپكەرشىلىكتى قاراستىرۋ. ياعني, مىندەتتەمەلەر ورىندالماعان جاعدايدا, بيزنەس ءتيىستى كەزەڭ ءۇشىن بارلىق جەتە ەسەپتەلمەگەن سالىقتاردى قايتارۋى ءتيىس.

بەسىنشى. ارنايى ەكونوميكالىق ايماقتاردىڭ اۋماقتارىندا جوبالاردى ىسكە اسىرۋ ءۇشىن دايىن وندىرىستىك ءۇي-جايلاردى ۇسىنۋ مۇمكىندىگىن قاراستىرۋ.

ء«بىز ەنەرگەتيكا, ساۋدا جانە ينتەگراتسيا مينيسترلىكتەرىمەن, سونداي-اق اكىمدىكتەرمەن بىرلەسىپ ءاربىر ارنايى ەكونوميكالىق ايماقتى دامىتۋ بويىنشا جول كارتالارىن ازىرلەيمىز», دەدى ب. اتامقۇلوۆ.

«تۇرعىن ءۇي ساياساتىن جەتىلدىرۋ بويىنشا ۇسىنىستاردىڭ جاڭا پاكەتىن ەنگىزۋ» تاپسىرماسىنا قاتىستى

ءمينيستردىڭ ايتۋىنشا, جالعا بەرىلەتىن تۇرعىن ءۇي قۇرىلىسىنا جەكە ينۆەستيتسيالاردى تارتا وتىرىپ, تۇرعىن ءۇي قۇرىلىسىنىڭ جاڭا تەتىگى ازىرلەنەدى. سونىڭ اياسىندا جەكە قۇرىلىس قورلارىن قۇرۋ تۋرالى شەشىمدەر قارالادى. وسى شارالاردى ىسكە اسىرۋ قولدانىستاعى زاڭناماعا تۇزەتۋلەر ەنگىزىلگەننەن كەيىن نۇرلى جەر باعدارلاماسى شەڭبەرىندە ىسكە اسىرىلادى.

سونىمەن قاتار, كرەديتتىك تۇرعىن ءۇي قۇرىلىسى كولەمىن ۇلعايتۋ جانە «5-10-20» جوباسىن جالعاستىرۋ ۇسىنىلادى (كەزەكتە تۇرعاندار ءۇشىن وتباسى بانكى ارقىلى جىلدىق 5% - عا دەيىن جەڭىلدىكتى قارىزدار بەرۋ).

«ول ءۇشىن رەسپۋبليكالىق بيۋدجەتتەن جىل سايىن «وتباسى بانك» ارقىلى 420 ملرد تەڭگە ءبولۋ قاجەت. بۇل جەكە قۇرىلىس سالۋشىلار مەن اكىمدىكتەرگە جىل سايىن تىركەلگەن باعامەن 35 مىڭ پاتەر سالۋعا مۇمكىندىك بەرەدى. وسى تەتىك ارقىلى 1 ەڭ تومەنگى كۇنكورىس دەڭگەيىنەن جوعارى تابىسى بار 353 مىڭ ادام (10 جىل ىشىندە) قولداۋعا يە بولادى», دەپ تۇيىندەدى ب. اتامقۇلوۆ.