پرەمەر-ءمينيسترى اسقار ءماميننىڭ توراعالىعىمەن وتكەن ۇكىمەت وتىرىسىندا قر پرەزيدەنتى قاسىم-جومارت توقاەۆتىڭ اعىمداعى جىلعى 26 قاڭتاردا وتكەن كەڭەيتىلگەن ۇكىمەت وتىرىسىندا بەرگەن تاپسىرمالارىن ورىنداۋ جونىندەگى شارالار قارالدى. ىشكى جانە سىرتقى ساۋدانى دامىتۋ بويىنشا تاپسىرمالاردى ىسكە اسىرۋ تۋرالى ساۋدا جانە ينتەگراتسيا ءمينيسترى باقىت سۇلتانوۆ باياندادى, دەپ حابارلايدى Egemen.kz.
ءبىرىنشى, اعىمداعى جىلى بەس جىلدىق وتپەلى كەزەڭنىڭ اياقتالۋىنا بايلانىستى جەر قويناۋىن پايدالانۋشىلاردىڭ قازاقستاندىق تاۋارلاردى ساتىپ الۋ مىندەتتەمەسى جويىلدى.
وندىرۋشىلەردى قولداۋ رەتىندە جەر قويناۋىن پايدالانۋشىلاردىڭ جەرگىلىكتى تاۋارلاردى ساتىپ الۋ بويىنشا ەرىكتى كەلىسىمدەر جاساسۋ تەتىگى ەنگىزىلەتىن بولادى.
«بۇل رەتتە, جەر قويناۋىن پايدالانۋشىلار ساتىپ الۋ قىزمەتىن وزدەرى دەربەس رەتتەي الادى. ءتيىستى زاڭدى تۇزەتۋلەر پارلامەنت ءماجىلىسىنىڭ قارالۋىندا», — دەدى ب. سۇلتانوۆ.
سونىمەن قاتار, جەر قويناۋىن پايدالانۋشىلاردىڭ ساتىپ الۋىنا قاتىسۋ ءۇشىن تاۋار وندىرۋشىلەر مەن ادال جەتكىزۋشىلەردىڭ ءتىزىلىمىن بەكىتۋ جانە ساتىپ الۋ پروتسەستەرىندە ۇلتتىق ستاندارتتاردى قولدانۋ بويىنشا قوسىمشا قولداۋ شارالارى پىسىقتالىپ جاتىر.
ەكىنشى, «ورتالىق ازيا» حالىقارالىق ساۋدا-ەكونوميكالىق ورتالىعى جوباسىن ىسكە اسىرۋ ماقساتىندا وزبەك تاراپىمەن ونىڭ ورنالاساتىن جەرى كەلىسىلدى.
ء«بىز جەر تەلىمىن ءبولىپ, ينۆەستورمەن كەلىسسوزدەر جۇرگىزۋدەمىز. الايدا, وزبەك تاراپىنىڭ پوزيتسياسى وزگەرۋىنە بايلانىستى جوبانى ىسكە اسىرۋ پروتسەسى كەشىكتىرىلىپ جاتىر. وسىعان وراي ءبىز جوبانى ىسكە اسىرۋدىڭ قوسىمشا نۇسقالارىن قاراستىرۋدامىز. جالپى, بۇل ورتالىق وزبەكستانمەن شەكارالىق ساۋدانى ۇلعايتۋعا ىقپال ەتەدى», — دەدى ب. سۇلتانوۆ.
ءۇشىنشى, الەۋمەتتىك ماڭىزى بار ازىق-ت ۇلىك تاۋارلارى باعالارىن ءتيىمدى قالىپتاستىرۋ مينيسترلىكتىڭ تۇراقتى باقىلاۋىندا. ءمينيستردىڭ ايتۋىنشا, وتكەن جىلعى 11%-دىق ءوسىم يمپورتقا تاۋەلدى جانە ەكسپورتقا باعدارلانعان نەگىزگى 5 تاۋارعا بايلانىستى بولدى, ولاردىڭ ۇلەسى 8,9% قۇرادى. باعانى تۇبەگەيلى تۇراقتاندىرۋ ءۇشىن مينيسترلىك بىرقاتار كەشەندى شارالاردى ۇسىنادى:
بىرىنشىدەن, اكىمدىكتەر بۇل ماسەلەنى قاتاڭ باقىلاۋدا ۇستاۋى قاجەت.
ەكىنشىدەن, اۋىل شارۋاشىلىعى تاۋارلارىنىڭ ءوندىرىسىن ۇلعايتۋ قاجەت.
ۇشىنشىدەن, ساۋدانى تسيفرلاندىرۋمەن قاتار, ۇلتتىق تاۋار وتكىزۋ جۇيەسىن ىسكە اسىرۋ كەرەك. جالپى, 24 كوتەرمە-تاراتۋ ورتالىعى سالىنادى. ونىڭ ىشىندە 2022 جىلى نۇر-سۇلتان, شىمكەنت, الماتى قالالارىندا, جانە الماتى, جامبىل, پاۆلودار وبلىستارىندا 7 كوتەرمە-تاراتۋ ورتالىعى ىسكە قوسىلادى. سونىمەن بىرگە ۆ2ۆ پلاتفورماسى ەنگىزىلىپ, الەۋمەتتىك اميانمەن ينتەگراتسيالاناتىن بولادى.
ءتورتىنشى, شەكاراداعى زاڭسىز ساۋدا اينالىمىنا قارسى ءىس-قيمىل اياسىندا:
تەحنيكالىق رەتتەۋ جۇيەسىن تسيفرلاندىرۋ;
«سايكەستىكتى باعالاۋ تۋرالى» جاڭا زاڭدى ازىرلەۋ;
شەكارالىق سىناق زەرتحانالارىن قۇرۋ;
تاڭبالاۋعا ارنالعان تاۋارلار ءتىزىمىن كەڭەيتۋ ۇسىنىلادى.