اقتوبە وبلىسىندا ەكى جىل بويى ناقتى جۇمىس ىستەمەي جانە تاۋار جەتكىزبەستەن جالعان شوت-فاكتۋرالار جازىپ بەرۋ بويىنشا زاڭسىز قىزمەتپەن اينالىسقان ءبىر توپ تۇلعانىڭ قىزمەتىنە شەك قويىلدى. بۇل فاكتىنى قارجىلىق مونيتورينگ اگەنتتىگىنىڭ قىزمەتكەرلەرى انىقتادى.
«2015 جىلى ەكى اقتوبەلىك بىرنەشە كاسىپورىندى قۇرىپ, زاڭدى تۇلعانى تىركەۋ پروتسەدۋرالارىنان ءوتىپ, ەكىنشى دەڭگەيلى بانكتەردە بانكتىك ەسەپشوتتار اشقاننان كەيىن ءوز اتىنا تىركەگەن. سودان كەيىن ولار وزدەرىنىڭ جالعان فيرمالار ارقىلى قاراجاتتى قولما-قول اقشاعا اينالدىراتىن كونتراگەنتتەردى ىزدەۋمەن اينالىسقان», دەلىنگەن مالىمەتتە.
مەملەكەتكە كەلتىرىلگەن زالال مولشەرى 492,6 ملن تەڭگەنى قۇرايدى جانە قازىرگى ۋاقىتتا وتەلدى. تەرگەۋ بارىسىندا ارنايى قۇرىلعان جشس-ءنىڭ بانكتىك شوتتارىنداعى 7,3 ملن تەڭگە سوماسىنداعى قاراجاتقا تىيىم سالىندى. اقتوبە قالاسىنىڭ №2 سوتى قىلمىس جاساعانداردى شارتتى تۇردە 3 جىل جانە التى ايعا سوتتادى.