قازاقستان اۋماعىندا كوروناۆيرۋس ينفەكتسياسىنىڭ پايدا بولۋى مەن تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ 2021 جىلدىڭ 28 قاڭتارىنداعى شەشىمىنە سايكەس رەسەيمەن تۇراقتى جولاۋشىلار رەيستەرىن ءار تاراپتان اپتاسىنا 1 رەيستەن 3 رەيسكە دەيىن, سونداي-اق تۇركيامەن تۇرىك تاراپى ءۇشىن انتاليا – الماتى باعىتى بويىنشا اپتاسىنا 1 رەيسكە ۇلعايتۋعا رۇقسات بەرىلدى, دەپ حابارلايدى Egemen.kz.
قازاقستان مەن رەسەي اراسىنداعى تۇراقتى رەيستەر ۇلعايتىلعاننان كەيىن, رەسەيلىك تاراپتىڭ كەلىسىمىن ەسكەرە وتىرىپ, اۋە قاتىناسى ءار تاراپتان نۇر-سۇلتان – ماسكەۋ (اپتاسىنا 2 رەيس) جانە الماتى – ماسكەۋ (اپتاسىنا 1 رەيس) باعىتتارى بويىنشا اپتاسىنا 3 رەيستەن ورىندالاتىن بولادى.
رەيستەر سانيتاريا-ەپيدەميولوگيا تالاپتارىن قاتاڭ ساقتاي وتىرىپ جانە اۋە كومپانيالاردىڭ سايتىندا جاريالانعان كەستەگە سايكەس جۇزەگە اسىرىلادى.