تۇركىستان وبلىسىندا كەزەكتى كوكپار ويىنى انىقتالدى, دەپ حابارلايدى Egemen.kz Polisia.kz سايتىنا سىلتەمە جاساپ.
بايدىبەك اۋدانى اۋماعىندا سانيتارلىق-ەپيدەمياعا قارسى كارانتين ەرەجەسىنىڭ تالاپتارى ساقتالۋىن قامتاماسىز ەتۋ ماقساتىندا, بايدىبەك اپب-ءنىڭ قىزمەتكەرلەرىمەن كۇندەلىكتى رەيدتىك ءىس-شارالار جۇرگىزۋدە. وسىنداي كەزەكتى رەيد جۇرگىزۋ بارىسىندا, بايدىبەك اۋدانىنىڭ جەرگىلىكتى تۇرعىنى كارانتين رەجيمى تالاپتارىن ساقتاماي, 50 -گە جۋىق ادامداردى جيناپ, «كوكپار» ۇلتتىق ويىنىن وتكىزىپ جاتقانى انىقتالدى.
ءتارتىپ ساقشىلارى ويىنعا قاتىسۋشىلاردى دەرەۋ توقتاتىپ, ولارمەن كارانتيندى بۇزۋعا جول بەرمەۋ تۋرالى ءتۇسىندىرۋ جۇمىستارىن جۇرگىزدى. وسى شارانى ۇيىمداستىرۋشىعا قاتىستى قر اقبتك-ءنىڭ 425-بابى (حالىقتىڭ سانيتارلىق-ەپيدەميولوگيالىق سالاۋاتتىلىعى سالاسىنداعى زاڭناما تالاپتارىن, سونداي-اق گيگيەنالىق نورماتيۆتەردى بۇزۋ) بويىنشا اكىمشىلىك حاتتاما تولتىرىلدى.
جينالعان ماتەريالدار زاڭدى شەشىم قابىلداۋ ءۇشىن بايدىبەك اۋداندىق سانيتاريالىق-ەپيدەميولوگيالىق ورتالىعىنا جولداندى.
ءوز كەزەگىندە پوليتسەيلەر تۇركىستان وبلىسىنىڭ تۇرعىندارى مەن قوناقتارىن كارانتين رەجيمى مەن سانيتارلىق-ەپيدەميولوگيالىق نورمالاردىڭ تالاپتارىن بۇزباۋعا شاقىرادى. بازارلارعا, دۇكەندەرگە جانە ادامدار كوپ جينالاتىن باسقا جەرلەرگە بارعان كەزدە, قوعامدىق كولىكتەردە مەديتسينالىق بەتپەردە كيىپ, انتيسەپتيكتەردى پايدالانۋ جانە الەۋمەتتىك قاشىقتىقتى ساقتاۋ قاجەت.