"پرەزيدەنت قاسىم-جومارت توقاەۆ جۋرناليست ميحايل دوروفەەۆتىڭ قايتىس بولۋىنا بايلانىستى ونىڭ وتباسى مەن جاقىندارىنا كوڭىل ايتتى" دەپ حابارلايدى Egemen.kz پرەزيدەنتتىڭ ءباسپاسوز حاتشىسىنا سىلتەمە جاساپ.
"بەلگىلى جۋرناليست, ۇلتتىق قوعامدىق سەنىم كەڭەسىنىڭ مۇشەسى ميحايل دوروفەەۆتىڭ مەزگىلسىز قايتىس بولۋىنا بايلانىستى كوڭىل ايتامىن. ءبىز ميحايل دوروفەەۆتى وتاندىق اقپاراتتىق كەڭىستىكتىڭ قالىپتاسۋىنا ەلەۋلى ۇلەس قوسقان تانىمال تۇلعا, تالانتتى مەديامەنەدجەر رەتىندە تانىدىق. ونىڭ بەلسەندى ازاماتتىق ۇستانىمى مەن ادامگەرشىلىك قاسيەتى جوعارى باعالاناتىن.
ميحايل دوروفەەۆتىڭ جارقىن بەينەسى جۇرەگىمىزدە ماڭگى ساقتالادى", – دەلىنگەن كوڭىل ايتۋ جەدەلحاتىندا.