2013 جىلعى 7 قاراشا استانا, ۇكىمەت ءۇيى
«مەملەكەتتىك جانە مەملەكەتتىك ەمەس ۇيىمداردا قۇجاتتاما جاساۋدىڭ جانە قۇجاتتامانى باسقارۋدىڭ ۇلگىلىك قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 21 جەلتوقسانداعى №1570 قاۋلىسىنا وزگەرىستەر مەن تولىقتىرۋلار ەنگىزۋ تۋرالى
2013 جىلعى 7 قاراشا استانا, ۇكىمەت ءۇيى
«مەملەكەتتىك جانە مەملەكەتتىك ەمەس ۇيىمداردا قۇجاتتاما جاساۋدىڭ جانە قۇجاتتامانى باسقارۋدىڭ ۇلگىلىك قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 21 جەلتوقسانداعى №1570 قاۋلىسىنا وزگەرىستەر مەن تولىقتىرۋلار ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «مەملەكەتتىك جانە مەملەكەتتىك ەمەس ۇيىمداردا قۇجاتتاما جاساۋدىڭ جانە قۇجاتتامانى باسقارۋدىڭ ۇلگىلىك قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 21 جەلتوقسانداعى №1570 قاۋلىسىنا (قازاقستان رەسپۋبليكاسىنىڭ ءپۇاج-ى, 2012 ج., №8, 170-قۇجات) مىناداي وزگەرىستەر مەن تولىقتىرۋلار ەنگىزىلسىن:
كورسەتىلگەن قاۋلىمەن بەكىتىلگەن مەملەكەتتىك جانە مەملەكەتتىك ەمەس ۇيىمداردا قۇجاتتاما جاساۋدىڭ جانە قۇجاتتامانى باسقارۋدىڭ ۇلگىلىك قاعيدالارىندا:
2-تارماق مىناداي رەداكتسيادا جازىلسىن:
«2. ۇلگىلىك قاعيدالار باسقارۋشىلىق قىزمەتتەگى قۇجاتتاما جاساۋدى ۇيىمداستىرۋ مەن قاعاز تاسىعىشتاعى قۇپيا ەمەس سيپاتتاعى قۇجاتتارمەن جۇمىستى ۇيىمداستىرۋ, مەملەكەتتىك جانە مەملەكەتتىك ەمەس ۇيىمداردا (بۇدان ءارى – ۇيىمدار) قۇجاتتامانى باسقارۋ ءتارتىبىن بەلگىلەيدى جانە ۇيىمداستىرۋشىلىق-وكىمدىك قۇجاتتاماعا قولدانىلادى.»;
9-تارماقتىڭ ەكىنشى بولىگى مىناداي رەداكتسيادا جازىلسىن:
«مەملەكەتتىك تىلدەگى قۇجاتتىڭ جانە ورىس تىلىندە نەمەسە وزگە تىلدە جاسالاتىن تەڭتۇپنۇسقالى قۇجاتتىڭ ارقايسىسى جەكە بلانكىلەردە (جەكە پاراقتاردا) باسىلىپ شىعارىلادى جانە بىرىڭعاي دەرەكتەمەلەرمەن رەسىمدەلەدى.»;
مىناداي مازمۇنداعى 84-1, 84-2 جانە 84-3-تارماقتارمەن تولىقتىرىلسىن:
«84-1. قازاقستان رەسپۋبليكاسى پرەزيدەنتىنىڭ, قازاقستان رەسپۋبليكاسى پرەزيدەنتى اكىمشىلىگىنىڭ اكتىلەرى مەن تاپسىرمالارى باقىلاۋدىڭ مىناداي تۇرلەرىنە قويىلادى:
1) شۇعىل – «اسا شۇعىل» بەلگىلەرى بار – ءۇش جۇمىس كۇنى ىشىندە, «شۇعىل», «جەدەلدەتىلسىن» – ون جۇمىس كۇنىنە دەيىن;
2) قىسقا مەرزىمدى – ون جۇمىس كۇنىنەن ءبىر ايعا دەيىن;
3) ورتا مەرزىمدى – ءبىر ايدان التى ايعا دەيىن;
4) ۇزاق مەرزىمدى – التى ايدان جوعارى.
قازاقستان رەسپۋبليكاسى پرەزيدەنتىنىڭ, قازاقستان رەسپۋبليكاسى پرەزيدەنتى اكىمشىلىگىنىڭ اكتىلەرى مەن تاپسىرمالارىندا بەرىلگەن تاپسىرمالاردىڭ ورىندالۋ مەرزىمى ولار ۇيىمعا كەلىپ تۇسكەن كۇنىنەن باستاپ جۇمىس كۇنىمەن ەسەپتەلەدى.
ەگەر تاپسىرمالاردا ورىندالۋ مەرزىمى كورسەتىلمەسە, قازاقستان رەسپۋبليكاسى پرەزيدەنتىنىڭ, قازاقستان رەسپۋبليكاسى پرەزيدەنتى اكىمشىلىگىنىڭ اتىنا اقپارات ەنگىزىلىپ, ءبىر اي مەرزىمدە ورىندالادى.
84-2. قازاقستان رەسپۋبليكاسى ۇكىمەتىنىڭ, قازاقستان رەسپۋبليكاسى پرەمەر-ءمينيسترىنىڭ نەمەسە ونىڭ ورىنباسارلارىنىڭ جانە قازاقستان رەسپۋبليكاسى پرەمەر-ءمينيسترىنىڭ كەڭسەسى باسشىسىنىڭ اكتىلەرى مەن تاپسىرمالارى باقىلاۋدىڭ مىناداي تۇرلەرىنە:
1) «وتە شۇعىل» دەگەن بەلگىسى بار شۇعىل باقىلاۋعا – تاپسىرما تۇسكەن كۇنىنەن باستاپ ءبىر جۇمىس كۇنى ىشىندە, «شۇعىل», «جەدەلدەتىلسىن» دەگەن بەلگىلەرىمەن – ەگەر ءتيىستى تاپسىرمادا وزگەشە بەلگىلەنبەسە, ءۇش جۇمىس كۇنىنەن كەشىكتىرمەي;
2) قىسقا مەرزىمدى باقىلاۋعا – ەگەر ءتيىستى تاپسىرمادا وزگەشە بەلگىلەنبەسە, بەلگىلەنگەن ورىندالۋ مەرزىمىنە دەيىن بەس جۇمىس كۇنىنەن كەشىكتىرمەي;
3) ورتا مەرزىمدى باقىلاۋعا – ەگەر ءتيىستى تاپسىرمادا وزگەشە بەلگىلەنبەسە, بەلگىلەنگەن ورىندالۋ مەرزىمىنە دەيىن ون جۇمىس كۇنىنەن كەشىكتىرمەي;
4) ۇزاق مەرزىمدى باقىلاۋعا – ەگەر ءتيىستى تاپسىرمادا وزگەشە بەلگىلەنبەسە, بەلگىلەنگەن ورىندالۋ مەرزىمىنە دەيىن جيىرما جۇمىس كۇنىنەن كەشىكتىرمەي قويىلادى.
قازاقستان رەسپۋبليكاسى ۇكىمەتىنىڭ, قازاقستان رەسپۋبليكاسى پرەمەر-ءمينيسترىنىڭ نەمەسە ونىڭ ورىنباسارلارىنىڭ جانە قازاقستان رەسپۋبليكاسى پرەمەر-ءمينيسترىنىڭ كەڭسەسى باسشىسىنىڭ اكتىلەرى مەن تاپسىرمالارىندا بەلگىلەنگەن تاپسىرمالاردىڭ ورىندالۋ مەرزىمى ولار ۇيىمعا كەلىپ تۇسكەن كۇنىنەن باستاپ جۇمىس كۇنىمەن ەسەپتەلەدى.
ەگەر تاپسىرمالاردا ورىندالۋ مەرزىمى كورسەتىلمەگەن جاعدايدا, وندا ولار قازاقستان رەسپۋبليكاسى ۇكىمەتىنىڭ, قازاقستان رەسپۋبليكاسى پرەمەر-ءمينيسترىنىڭ نەمەسە ونىڭ ورىنباسارلارىنىڭ جانە قازاقستان رەسپۋبليكاسى پرەمەر-ءمينيسترىنىڭ كەڭسەسى باسشىسىنىڭ اتىنا اقپارات ەنگىزىلە وتىرىپ, ءبىر اي مەرزىمدە ورىندالادى.
قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى پرەزيدەنتى اكىمشىلىگى باسشىلىعىنىڭ باقىلاۋداعى تاپسىرمالارىن ولارعا قازاقستان رەسپۋبليكاسى پرەمەر-ءمينيسترىنىڭ, ونىڭ ورىنباسارلارىنىڭ جانە قازاقستان رەسپۋبليكاسى پرەمەر-ءمينيسترىنىڭ كەڭسەسى باسشىسىنىڭ قارارلارىمەن بىرگە ەگەر تاپسىرمالاردا وزگەشە مەرزىمدەر بەلگىلەنبەسە ۇيىمدار تاپسىرمانىڭ كۇنىنەن باستاپ 20 كۇن مەرزىمنەن كەشىكتىرمەي ورىندايدى. بىرلەسىپ ورىنداۋشى-ۇيىم ءوز اقپاراتىن جاۋاپتى ورىنداۋشى-ۇيىمعا بەلگىلەنگەن مەرزىم وتكەنگە دەيىن بەس كۇننەن كەشىكتىرمەي جىبەرەدى.
84-3. مەملەكەت باسشىسىندا وتكەن كەڭەستەردىڭ, قازاقستان رەسپۋبليكاسى ۇكىمەتىنىڭ, قازاقستان رەسپۋبليكاسى ۇكىمەتىنىڭ باسشىلىعى مەن قازاقستان رەسپۋبليكاسىنىڭ پرەمەر-ءمينيسترى كەڭسەسىنىڭ باسشىسى ماجىلىستەرىنىڭ حاتتامالارىندا قامتىلعان حاتتامالىق تاپسىرمالاردىڭ ورىندالۋ مەرزىمى ءماجىلىس (كەڭەس) وتكىزىلگەن كۇنىنەن باستاپ ەسەپتەلەدى. ەگەر ماجىلىستە (كەڭەستە) ناقتى تاپسىرمانىڭ ورىندالۋ مەرزىمى اتالعان جاعدايدا, ونىڭ اتىنا تاپسىرما بەرىلگەن جانە وكىلدەرى ماجىلىسكە (كەڭەسكە) قاتىسقان ءتيىستى ۇيىمدار ماجىلىستەن (كەڭەستەن) كەيىن بىردەن, ولارعا ءماجىلىس (كەڭەس) حاتتاماسىنىڭ ءتۇسۋىن كۇتپەستەن, تاپسىرمالاردى ورىنداۋعا كىرىسۋگە مىندەتتى.».
2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.