2013 جىلعى 25 قازان استانا, ۇكىمەت ءۇيى
مەملەكەتتىك ورگانداردىڭ نورماتيۆتىك قۇقىقتىق اكتىلەردى ەسەپكە الۋى جانە جۇيەلەندىرۋى قاعيدالارىن بەكىتۋ تۋرالى
2013 جىلعى 25 قازان استانا, ۇكىمەت ءۇيى
مەملەكەتتىك ورگانداردىڭ نورماتيۆتىك قۇقىقتىق اكتىلەردى ەسەپكە الۋى جانە جۇيەلەندىرۋى قاعيدالارىن بەكىتۋ تۋرالى
«نورماتيۆتىك قۇقىقتىق اكتىلەر تۋرالى» 1998 جىلعى 24 ناۋرىزداعى قازاقستان رەسپۋبليكاسىنىڭ زاڭى 46-بابىنىڭ 2-تارماعىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان مەملەكەتتىك ورگانداردىڭ نورماتيۆتىك قۇقىقتىق اكتىلەردى ەسەپكە الۋى جانە جۇيەلەندىرۋى قاعيدالارى بەكىتىلسىن.
2. وسى قاۋلى قول قويىلعان كۇنىنەن باستاپ قولدانىسقا ەنگىزىلەدى جانە رەسمي جاريالانۋعا ءتيىس.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
قازاقستان رەسپۋبليكاسى ۇكىمەتىنىڭ 2013 جىلعى 25 قازانداعى № 1146 قاۋلىسىمەن بەكىتىلگەن
مەملەكەتتىك ورگانداردىڭ نورماتيۆتىك قۇقىقتىق اكتىلەردى ەسەپكە الۋى جانە جۇيەلەندىرۋى قاعيدالارى
1. وسى مەملەكەتتىك ورگانداردىڭ نورماتيۆتىك قۇقىقتىق اكتىلەردى ەسەپكە الۋى جانە جۇيەلەندىرۋى قاعيدالارى (بۇدان ءارى – قاعيدالار) «نورماتيۆتىك قۇقىقتىق اكتىلەر تۋرالى» 1998 جىلعى 24 ناۋرىزداعى قازاقستان رەسپۋبليكاسىنىڭ زاڭى 46-بابىنىڭ 2-تارماعىنا سايكەس ازىرلەندى.
2. قاعيدالار قازاقستان رەسپۋبليكاسى مەملەكەتتىك ورگاندارى قابىلداعان نورماتيۆتىك قۇقىقتىق اكتىلەر بويىنشا ولاردىڭ نورماتيۆتىك قۇقىقتىق اكتىلەردى ەسەپكە الۋى جانە جۇيەلەندىرۋى ءتارتىبىن ايقىندايدى.
3. قازاقستان رەسپۋبليكاسى ادىلەت مينيسترلىگى مەملەكەتتىك ورگانداردىڭ نورماتيۆتىك قۇقىقتىق اكتىلەردى ەسەپكە الۋى جانە جۇيەلەندىرۋى جونىندەگى ادىستەمەلىك ۇسىنىمدار ازىرلەيدى جانە بەكىتەدى.
4. نورماتيۆتىك قۇقىقتىق اكتىلەردى ەسەپكە الۋ جانە جۇيەلەندىرۋ زاڭنامانىڭ قولجەتىمدىلىگىن, ونى پايدالانۋ ىڭعايلىلىعىن قامتاماسىز ەتۋ ماقساتىندا جۇرگىزىلەدى.
5. مەملەكەتتىك ورگانداردا نورماتيۆتىك قۇقىقتىق اكتىلەردى ەسەپكە الۋ جانە جۇيەلەندىرۋ جونىندەگى فۋنكتسيالاردى مەملەكەتتىك ورگان باسشىسىنىڭ شەشىمىمەن ايقىندالعان مەملەكەتتىك ورگاننىڭ ءتيىستى بولىمشەسى نەمەسە قىزمەتكەرى (قىزمەتكەرلەرى) جۇزەگە اسىرادى.
6. نورماتيۆتىك قۇقىقتىق اكتىلەردى ەسەپكە الۋ جانە جۇيەلەندىرۋ مەملەكەتتىك جانە ورىس تىلدەرىندە جۇرگىزىلەدى.
7. قازاقستان رەسپۋبليكاسى مەملەكەتتىك ورگاندارىنىڭ نورماتيۆتىك قۇقىقتىق اكتىلەردى ەسەپكە الۋى جانە ەلەكتروندىق تۇردە جۇرگىزىلەدى جانە قولدانىستاعى نورماتيۆتىك قۇقىقتىق اكتىلەردى جيناقتاۋ مەن ساقتاۋدى, مەملەكەتتىك ورگانداردىڭ قىزمەت باعىتتارىنا سايكەس حرونولوگيالىق ءتارتىپپەن ورنالاستىرۋدى, سونداي-اق نورماتيۆتىك قۇقىقتىق اكتىلەردى باقىلاۋ جاعدايىندا ۇستاۋدى قامتيدى.
8. مەملەكەتتىك ورگان قازاقستان رەسپۋبليكاسى ۇكىمەتىنىڭ 2006 جىلعى 29 ساۋىردەگى № 343 قاۋلىسىمەن بەكىتىلگەن قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ مەملەكەتتىك ءتىزىلىمىن, نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىن جۇرگىزۋ قاعيدالارىنىڭ 7-تارماعىنا سايكەس رەسپۋبليكالىق قۇقىقتىق اقپارات ورتالىعى ءتيىستى مەملەكەتتىك ورگاندارعا جولدايتىن نورماتيۆتىك قۇقىقتىق اكتىنىڭ باسپا ءماتىنىنىڭ كوشىرمەسىن, وعان بەرىلگەن تىركەۋ نومىرىمەن بىرگە مەملەكەتتىك جانە ورىس تىلدەرىندە الادى.
نورماتيۆتىك قۇقىقتىق اكتىنىڭ كوشىرمەسىن العاننان كەيىن مەملەكەتتىك ورگاننىڭ جاۋاپتى ادامى كەلىپ تۇسكەن نورماتيۆتىك قۇقىقتىق اكتىلەردى تىركەۋ جۋرنالىنا وسى قاعيدالارعا قوسىمشاعا سايكەس اتاۋىن, كۇنىن, مەملەكەتتىك تىزىلىمدەگى ءنومىرىن كورسەتە وتىرىپ ءتيىستى جازۋ ەنگىزەدى.
مەملەكەتتىك ورگاننىڭ جاۋاپتى ادامى جۋرنالدا تىركەگەننەن كەيىن ءۇش جۇمىس كۇن ىشىندە نورماتيۆتىك قۇقىقتىق اكتىلەردىڭ تىزىلىمىنە ءتيىستى مالىمەتتەر ەنگىزەدى.
نورماتيۆتىك قۇقىقتىق اكتىلەرگە وزگەرىستەر مەن تولىقتىرۋلار ەنگىزىلگەن, نورماتيۆتىك قۇقىقتىق اكتىلەردىڭ جەكەلەگەن بولىكتەرىنىڭ كۇشى جويىلدى دەپ تانىلعان نە ولاردىڭ قولدانىلۋى توقتاتىلا تۇرعان كەزدە ونىڭ ماتىنىنە ەنگىزىلەتىن نورمالاردىڭ تۇجىرىمىن, سونداي-اق اكتىنىڭ نىسانى, قابىلدانعان كۇنى جانە ءنومىرى تۋرالى اقپاراتتى ناقتى كورسەتەتىن بەلگى ەنگىزىلەدى.
مەملەكەتتىك ورگانداردىڭ نورماتيۆتىك قۇقىقتىق اكتىلەردى
ەسەپكە الۋى جانە جۇيەلەندىرۋى قاعيدالارىنا قوسىمشا
نورماتيۆتىك قۇقىقتىق اكتىلەردى ەسەپكە الۋ جۋرنالى
ر/س
№
كەلىپ تۇسكەن كۇنى
كىرىس ءنومىرى
مەملەكەتتىك تىزىلىمدەگى ءنومىرى
نورماتيۆتىك قۇقىقتىق اكتىنىڭ اتاۋى
1
2
3
4
5