2013 جىلعى 24 قازان استانا, ۇكىمەت ءۇيى
«پايدالى قازبالار جاتقان الاڭداردا قۇرىلىس سالۋعا رۇقسات بەرۋ قاعيداسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 27 ماۋسىمداعى № 720 قاۋلىسىنا وزگەرىس ەنگىزۋ تۋرالى
2013 جىلعى 24 قازان استانا, ۇكىمەت ءۇيى
«پايدالى قازبالار جاتقان الاڭداردا قۇرىلىس سالۋعا رۇقسات بەرۋ قاعيداسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 27 ماۋسىمداعى № 720 قاۋلىسىنا وزگەرىس ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «پايدالى قازبالار جاتقان الاڭداردا قۇرىلىس سالۋعا رۇقسات بەرۋ قاعيداسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 27 ماۋسىمداعى № 720 قاۋلىسىنا (قازاقستان رەسپۋبليكاسىنىڭ ءپۇاج-ى, 2011 ج., № 44, 578-قۇجات) مىناداي وزگەرىس ەنگىزىلسىن:
كورسەتىلگەن قاۋلىمەن بەكىتىلگەن پايدالى قازبالار جاتقان الانداردا كۇرىلىس سالۋعا رۇقسات بەرۋ قاعيداسى وسى قاۋلىعا قوسىمشاعا سايكەس جاڭا رەداكتسيادا جازىلسىن.
2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
قازاقستان رەسپۋبليكاسى ۇكىمەتىنىڭ 2013 جىلعى 24 قازانداعى №1144 قاۋلىسىنا قوسىمشا
قازاقستان رەسپۋبليكاسى ۇكىمەتىنىڭ 2011 جىلعى 27 ماۋسىمداعى № 720 قاۋلىسىمەن بەكىتىلگەن
پايدالى قازبالار جاتقان الاڭداردا قۇرىلىس سالۋعا رۇقسات بەرۋ قاعيداسى
1. جالپى ەرەجەلەر
1. وسى قاعيدا «جەر قويناۋى جانە جەر قويناۋىن پايدالانۋ تۋرالى» 2010 جىلعى 24 ماۋسىمداعى قازاقستان رەسپۋبليكاسىنىڭ زاڭى (بۇدان ءارى – زاڭ) 16-بابىنىڭ 18) تارماقشاسىنا سايكەس ازىرلەندى جانە پايدالى قازبالار جاتقان الاڭداردا قۇرىلىس سالۋعا رۇقسات بەرۋ ءتارتىبىن ايقىندايدى.
2. پايدالى قازبالار جاتقان الاڭداردا قۇرىلىس سالۋعا رۇقسات بەرۋ ءتارتىبى
2. پايدالى قازبالار جاتقان الاڭداردا قۇرىلىس سالۋعا, سونداي-اق ولار جاتقان ورىنداردا جەراستى عيماراتتارىن ورنالاستىرۋعا جەر قويناۋىن زەرتتەۋ مەن پايدالانۋ جونىندەگى ۋاكىلەتتى ورگاننىڭ (بۇدان ءارى – ۋاكىلەتتى ورگان) جانە ونەركاسىپتىك قاۋىپسىزدىك سالاسىنداعى ۋاكىلەتتى ورگاننىڭ رۇقساتىمەن پايدالى قازبالاردى الۋ مۇمكىندىگى قامتاماسىز ەتىلگەن نەمەسە قۇرىلىس سالۋدىڭ ەكونوميكالىق ورىندىلىعى دالەلدەنگەن جاعدايلارعا رۇقسات ەتىلەدى.
3. پايدالى قازبالار جاتقان الاڭدا كۇرىلىس سالۋعا, سونداي-اق ولار جاتقان ورىنداردا جەراستى عيماراتتارىن ورنالاستىرۋعا رۇقسات الۋ ءۇشىن جەكە نەمەسە زاڭدى تۇلعا جەر قويناۋىن زەرتتەۋ مەن پايدالانۋ جونىندەگى ۋاكىلەتتى ورگاننىڭ اۋماقتىق بولىمشەسىنە (بۇدان ءارى – اۋماقتىق بولىمشە) ەرىكتى نىسانداعى ءوتىنىمدى جىبەرەدى, وندا زاڭدى تۇلعانىڭ اتاۋى نەمەسە جەكە تۇلعانىڭ تەگى, اتى, اكەسىنىڭ اتى, ونىڭ ۆەدومستۆولىق قاتىستىلىعى, مەكەنجايى, گەوگرافيالىق كوورديناتتارداعى قۇرىلىس وبەكتىسىنىڭ ورنالاساتىن جەرى كورسەتىلەدى.
4. جەكە نەمەسە زاڭدى تۇلعالاردىڭ ءوتىنىمىن اۋماقتىق بولىمشەلەر ونى تىركەگەن ساتتەن باستاپ 10 (ون) جۇمىس كۇنى ىشىندە قارايدى.
جەكە نەمەسە زاڭدى تۇلعا مالىمدەگەن الداعى قۇرىلىس سالۋ الاڭىنىڭ استىندا پايدالى قازبالار بولماعان (ماڭىزدىلىعىنىڭ ازدىعى) جاعدايدا, اۋماقتىق بولىمشە مالىمدەلگەن الاڭدا قۇرىلىس سالۋعا رۇقسات بەرەتىن قۇجات بولىپ تابىلاتىن, جاتقان پايدالى قازبالاردىڭ جوق ەكەنى (ماڭىزدىلىعىنىڭ ازدىعى) تۋرالى قورىتىندى بەرەدى. بۇل رەتتە كورسەتىلگەن قۇجاتتى ونەركاسىپتىك قاۋىپسىزدىك سالاسىنداگى ۋاكىلەتتى ورگانمەن كەلىسۋ تالاپ ەتىلمەيدى.
اۋماقتىق بولىمشە وعان زاڭدى نەمەسە جەكە تۇلعا بەرگەن پايدالى قازبالاردىڭ جوق ەكەنى (ماڭىزدىلىعىنىڭ ازدىعى) تۋرالى قورىتىندىلاردى ەسەپكە الۋدى جانە تىركەۋدى جۇرگىزەدى.
جەكە نەمەسە زاڭدى تۇلعا مالىمدەگەن الداعى قۇرىلىس سالۋ الاڭىنىڭ استىندا پايدالى قازبالار بار بولعان جاعدايدا, اۋماقتىق بولىمشە 2 (ەكى) جۇمىس كۇنى ىشىندە ۋاكىلەتتى ورگانعا پايدالى قازبالار جاتقان الاڭداردا قۇرىلىس سالۋعا رۇقسات بەرۋ تۋرالى ماسەلەنى قاراۋ ءۇشىن ءوتىنىمدى قوسا بەرە وتىرىپ, الداعى قۇرىلىس سالۋ الاڭىنىڭ استىندا پايدالى قازبالاردىڭ بولۋى تۋرالى قورىتىندىنى جانە جەكە نەمەسە زاڭدى تۇلعاعا جازباشا حابارلامانى جىبەرەدى.
5. ۋاكىلەتتى ورگان وسىنداي قورىتىندى كەلىپ تۇسكەننەن كەيىن 2 (ەكى) جۇمىس كۇنى ىشىندە ونەركاسىپتىك قاۋىپسىزدىك سالاسىنداعى ۋاكىلەتتى ورگانعا كورسەتىلگەن قورىتىندىنىڭ كوشىرمەلەرىن جانە زاڭدى نەمەسە جەكە تۇلعانىڭ وتىنىمدەرىن پايدالى قازبالار جاتقان الاڭداردا قۇرىلىس سالۋعا, سونداي-اق ولار جاتقان ورىنداردا جەراستى عيماراتتارىن ورنالاستىرۋعا رۇقسات بەرۋ تۋرالى ماسەلەنى قاراۋ ءۇشىن جىبەرەدى.
6. ونەركاسىپتىك قاۋىپسىزدىك سالاسىنداعى ۋاكىلەتتى ورگان ۋاكىلەتتى ورگاننان اۋماقتىق بولىمشە قورىتىندىسىنىڭ كوشىرمەلەرى مەن زاڭدى نەمەسە جەكە تۇلعانىڭ وتىنىمدەرى كەلىپ تۇسكەن ساتتەن باستاپ 5 (بەس) جۇمىس كۇنى ىشىندە اتالعان قۇجاتتاردى قارايدى جانە ۋاكىلەتتى ورگانعا پايدالى قازبالار جاتقان الاڭداردا قۇرىلىس سالۋعا رۇقساتتى نە وسى قاعيدانىڭ 8-تارماعىندا كوزدەلگەن جاعدايلاردا جازباشا تۇردە دالەلدى باس تارتۋدى جىبەرەدى.
7. ۋاكىلەتتى ورگان ونەركاسىپتىك قاۋىپسىزدىك سالاسىنداعى ۋاكىلەتتى ورگاننىڭ رۇقساتى كەلىپ تۇسكەن ساتتەن باستاپ 2 (ەكى) جۇمىس كۇنى ىشىندە زاڭدى نەمەسە جەكە تۇلعاعا ۋاكىلەتتى ورگاننىڭ جانە ونەركاسىپتىك قاۋىپسىزدىك سالاسىنداعى ۋاكىلەتتى ورگاننىڭ پايدالى قازبالار جاتقان الاڭداردا قۇرىلىس سالۋعا ارنالعان رۇقساتتى نە وسى قاعيدانىڭ 8-تارماعىندا كوزدەلگەن جاعدايلاردا جازباشا تۇردە دالەلدى باس تارتۋدى بەرەدى.
8. ەگەر قۇرىلىس سالۋ بارىسىندا جەر قويناۋىنان پايدالى قازبالاردى الۋ مۇمكىن بولماسا نەمەسە قۇرىلىس سالۋدىڭ ەكونوميكالىق ورىندىلىعى دالەلدەنبەسە, پايدالى قازبالار جاتقان الاڭدا قۇرىلىس سالۋعا, سونداي-اق ولار جاتقان ورىنداردا جەراستى عيماراتتارىن ورنالاستىرۋعا ۋاكىلەتتى ورگاننىڭ رۇقساتىن جانە ونەركاسىپتىك قاۋىپسىزدىك سالاسىنداعى ۋاكىلەتتى ورگاننىڭ رۇقساتىن بەرۋدەن باس تارتىلادى.
9. ۋاكىلەتتى ورگان وزىنە زاڭدى نەمەسە جەكە تۇلعالار بەرگەن پايدالى قازبالار جاتقان الاڭداردا قۇرىلىس سالۋعا, ولار جاتقان جەرلەردە جەراستى عيماراتتارىن ورنالاستىرۋعا رۇقساتتاردى, سونداي-اق ونەركاسىپتىك قاۋىپسىزدىك سالاسىنداعى ۋاكىلەتتى ورگان بەرگەن رۇقساتتاردى ەسەپكە الۋدى جانە تىركەۋدى جۇرگىزەدى.