ءفيليپپيننىڭ ورتالىق بولىگىندەگى بىرقاتار اۋدانداردى جايپاپ وتكەن «حايان» تايفۋنى سالدارىن جويۋعا 8 ملرد. دوللار جۇمسالدى. بۇل تۋرالى فيليپپين پرەزيدەنتى بەنيگنو اكينونىڭ مالىمدەمەسىنە سىلتەمە جاساعان يتار-تاسس حابارلادى.
«ۇكىمەت اپاتتان زارداپ شەككەن اۋدانداردى قالپىنا كەلتىرىپ, ونداعى حالىقتىڭ تۇرمىسىن جاقسارتۋدى قاراستىراتىن ساتىلى جوبا ازىرلەپ شىعاردى. تۇرعىن ۇيلەردىڭ تۇرعىزىلۋىنا, ينفراسترۋكتۋرا نىساندارىن قالپىنا كەلتىرۋ مەن جەرگىلىكتى تۇرعىندارعا مەديتسينالىق كومەك, ءبىلىم جانە باسقا دا قاجەتتى قىزمەتتەردىڭ كورسەتىلۋىنە باستى نازار اۋدارىلاتىن بولادى» – دەدى مانيلا اكىمشىلىگىنىڭ باسشىسى. ول اپاتتان زارداپ شەككەن اۋدانداردى قالپىنا كەلتىرۋمەن قاتار, ولاردى دامىتۋدى قاراستىراتىن جوبانى ىسكە اسىرۋ 2017 جىلعا جوسپارلانىپ وتىرعانىن ايتتى.
وتكەن ايدا فيليپپيندە ورىن العان «حايان» تايفۋنى مەتەورولوگيالىق باقىلاۋ تاريحىنداعى ەڭ الاپات تايفۋن سانالىپ وتىر. اپاتتان ەلدىڭ ورتالىق بولىگىندەگى 10 مىڭنان استام ەلدى مەكەندە 12 ميلليونعا جۋىق ادام زارداپ شەككەن. سونداي-اق 4 ميلليوننان اسا جەرگىلىكتى تۇرعىن ۇيلەرى مەن بارلىق دۇنيە-م ۇلىكتەرىنەن ايىرىلىپ قالدى.
ايدار ورىسباەۆ.
دەرەككوز: Itar-tass.com