جوو-لار عىلىم سالاسىنداعى مىندەتتەرىن دۇرىس اتقارىپ ءجۇر مە؟

اسحات ايماعامبەتوۆ ءبىلىم جانە عىلىم مينيسترلىگىنىڭ جالپى وتىرىسىندا: «مەملەكەت باسشىسى عىلىم سالاسىن دامىتۋ ماسەلەسىن ەرەكشە نازاردا ۇستاپ وتىرعانىن جاقسى بىلەسىزدەر. عىلىمعا قارجىلاندىرۋ جاعىنان دا, باسقا ماسەلەلەر بويىنشا دا ۇلكەن كومەك كورسەتىپ وتىر. سوندىقتان ءبىز وسى سالانى دۇرىس يگەرىپ, جولعا قويىپ, جۇمىستى اشىقتىق قاعيداسىمەن ۇيىمداستىرۋىمىز كەرەك. جوعارى وقۋ ورىندارى دا وسى جۇمىسقا بەلسەندى تۇردە ارالاسۋعا ءتيىس. رەكتورلارعا دا جينالىس كەزىندە ايتتىم: ءار فاكۋلتەتتە دەكانداردىڭ عىلىم جونىندەگى ورىنباسارلارى بار. كافەدرا دا عىلىم بويىنشا ەسەبىن تاپسىرادى. عىلىم جونىندەگى پرورەكتورلار دا بار. بىراق وسىنىڭ ءبارى بولعاننان كەيىن ناتيجە دە بولۋى كەرەك قوي. كوممەرتسياليزاتسيا كەڭسەلەرىن اشىپ قويدىق. بىراق سونىڭ مازمۇنى قايدا؟ وسى ماسەلەلەرگە ەرەكشە نازار اۋدارىپ, جوعارى وقۋ ورىندارى وسى جۇمىستاردى بەلسەندى تۇردە ورىنداۋعا ءتيىس», دەپ ايتىپ ءوتتى.

ءمينيستردىڭ ايتۋىنشا, عىلىم سالاسىن تسيفرلاندىرۋ سالاسىندا دا ماسەلەلەر جوق ەمەس.

«بيۋروكراتيالىق كەدەرگىلەردى جويۋ كەرەك. باسقارۋ جۇيەسىندە دە ءارتۇرلى بيۋروكراتيالىق كەدەرگى كوپ. ونى وزدەرىڭىز بىلەسىزدەر. ءبىز ءبىرازىن جويىپ, الىپ تاستادىق. بىراق دەسە دە ءالى بار. بىزگە كەرەگى: عىلىممەن اينالىساتىن ارىپتەستەرىمىزگە تەك ءوز جۇمىسىمەن اينالىسۋعا جاعداي جاساۋ كەرەك. ءارتۇرلى قاعازباستىلىق, ەسەپ بەرۋ دەگەندەردىڭ ءوزى ارينە, ۇلكەن كەدەرگى. البەتتە, ولاردىڭ ءبارىن بيىل شەشكەنىمىز ءجون», دەدى ول.

مينيستر سونىمەن قاتار عىلىم كوميتەتىنە كادر دايارلاۋ, زەرتحانالاردى دامىتۋ ماسەلەلەرىنە باسا نازار اۋدارۋى كەرەكتىگىن جەتكىزدى.