ەكپە سالدىرۋ – ءوز ەركىڭىزدە

دەنساۋلىق ساقتاۋ مينيستر­لىگىنە قاراستى سانيتارلىق-ەپي­دەميولوگيالىق باقىلاۋ كومي­تەتىنىڭ وكىلدەرى مەكتەپ جاسىنداعى بالالاردى ۆاكتسينالاۋ ماسەلەلەرى بويىنشا ازاماتتاردىڭ وتىنى­شىنە بايلانىس­تى COVID-19 ەكپە سالۋ ءتارتىبى مەن ەرەجەسىن ءتۇسىن­دىردى.

«حالىق دەنساۋلىعى تۋرالى» كودەكستىڭ 77-بابى نەگىزىندە كەز كەلگەن ەكپە, ونىڭ ىشىندە كوروناۆيرۋس ينفەكتسياسىنا قارسى ۆاكتسينالاۋ ەرىكتى تۇردە جۇزەگە اسىرىلادى. ازاماتتار ۆاكتسينالاۋدان جازباشا تۇردە باس تارتۋعا قۇقىلى. 18 جاسقا تولماعان بالالار مەن 65 جاستان اسقان ادامدارعا ۆاكتسينانىڭ تيىمدىلىگى مەن قاۋىپسىزدىگى تۋرالى مالىمەت جوق, سوندىقتان بۇل جاس­تاعىلارعا ەكپە سالىنبايدى.

كۆي-گە قارسى ۆاكتسينالاۋ ەپي­دەميالىق ماڭىزدىلىعىن ەس­كەرە وتىرىپ, كەزەڭ-كەزەڭىمەن تەگىن مە­ديتسينالىق كومەكتىڭ كە­پىل­­دىك بەرىلگەن كولەمى شەڭبە­رىن­دە جۇر­گىزىلەدى. بيىل 1 اقپاندا باس­تالاتىن ءبىرىنشى كەزەڭدە ين­فەك­تسيالىق اۋرۋ­حانا, جەدەل مەدي­تسينالىق جار­دەم, رەا­نيماتسيا جانە قابىلداۋ بول­مەلەرى, سانەپي­دقىزمەتتىڭ مەدي­تسي­نا­ قىز­مەتكەرلەرى ۆاكتسينالانا الادى. ال 1 ناۋرىزدا باستالاتىن ەكىنشى كەزەڭدە جالپى ءبىلىم بە­رە­تىن مەك­تەپتەردىڭ, جوو-دىڭ پە­داگوگتەرى, مەديتسينالىق قىز­مەت­كەرلەر ەكپە السا, 1 ساۋىر­دەن باس­­تاپ ءۇشىنشى كەزەڭدە مەكتەپ-ين­تەر­ناتتاردىڭ, مەكتەپكە دەيىنگى بالالار مەكەمەلەرىنىڭ پەداگوگتەرى, ستۋدەنتتەر جانە سوزىلمالى اۋرۋلارى بار ادامدار ەكپە سالدىرادى.

يممۋنداۋ الدىندا ەگۋ سالدىراتىن ادامعا پروفيلاكتيكالىق ەگۋ, ىقتيمال رەاكتسيالار مەن كەرى اسەرى, سونداي-اق ەگۋدەن باس تارتۋ سالدارى تۋرالى تولىق اقپارات بەرىلەدى. ەرىكتى تۇردە اقپاراتتاندىرىلعان كەلىسىم نەمەسە باس تارتۋ قاعازى رەسىمدەلەدى (قر دسم 13.06.2018 ج. №361 بۇي­رىعىمەن بەكىتىلگەن «حالىققا پروفيلاكتيكالىق ەگۋلەردى جۇرگىزۋ بويىنشا سانيتاريالىق-ەپيدەميولوگيالىق تالاپتار» بك 1-قوسىمشاسىنا سايكەس). سونداي-اق ادىستەمەلىك ۇسىنىمدارعا 2-قوسىم­شاعا سايكەس ەگىلگەندەرگە ساۋال­داما جۇرگىزىلەدى.

ايەلدەرگە ۆاكتسينا سالماس بۇرىن جۇكتى ەمەس پە, بالا ەمىزبەي مە, سونى انىقتاۋ قاجەت (كۇماندى جاعدايدا جۇكتىلىككە تەست جاساۋدى جانە/نەمەسە ۆاكتسينالاۋ مەرزىمىن اۋىستىرۋدى ۇسىنۋ).

سونىمەن قاتار ۆاكتسينانىڭ قا­ۋىپسىز ەكەنىن ەسكەرگەن دۇرىس. كەز كەلگەن ليتسەنزياسى بار ۆاكتسينا بىرنەشە ساتىدان تۇراتىن ءجىتى تەك­سەرىستەن وتەدى, سودان كەيىن عانا پاي­دالانۋعا رۇقسات ەتىلەدى. ۆاكتسينا نا­رىققا تۇسكەنەن كەيىن دە ۇنەمى باقىلاۋدا بولادى.