قازاقستاندا مەنشىك قاۋىپسىزدىگىن قامتاماسىزداندىرۋ ماقساتىندا جەكە قاۋىپسىزدىك قۇرىلىمدارى مەن «كورشىلىك قاداعالاۋ» جۇيەسى قاراستىرىلادى. بۇل تۋرالى ىشكى ىستەر مينيسترلىگىنىڭ وكىلى ءنۇردىلدا وراز ايتتى, دەپ حابارلايدى Egemen.kz
- 2021-2023 جىلدارعا ارنالعان مەنشىكتى قورعاۋ باعدارلاماسى بەكىتىلدى. ول ازاماتتاردىڭ تۇرعىن ءۇيى مەن مۇلكىن قورعاۋعا جەكە قاۋىپسىزدىك قۇرىلىمدارىن بەلسەندى تارتۋدى, «كورشىلىك قاداعالاۋدى» ەنگىزۋدى, زارداپ شەككەندەرگە كەلتىرىلگەن زياننىڭ ورنىن تولتىرۋ ءۇشىن م ۇلىكتىك ساقتاندىرۋدى, سونداي-اق دابىل جۇيەسىن قولدانۋدى كوزدەيدى, دەدى ءنۇردىلدا وراز.
ول ۇرلىق قىلمىستىڭ كەڭ تارالعان ءتۇرى بولعاندىقتان پوليتسيا بۇل باعىتتا بەلسەندى جۇمىسىن جالعاستىراتىنىن ەسكە سالدى.
سونىمەن قاتار بريفينگتە پاندەميا كەزىندە ونلاين-قىزمەتتەردىڭ كەڭەيۋىمەن ينتەرنەت-الاياقتىقتىڭ ءوسۋى كوپ بايقالعانى تۋرالى دا مالىمەت ايتىلدى. ءىىم وكىلىنىڭ ايتۋىنشا, وسىنداي قىلمىستارعا قارسى دا شارا كورىلمەك. ول ءۇشىن ارنايى باعدارلاما ازىرلەنگەن.
ايدا ورالبەك