اتىراۋ قالاسىندا كوپ قاباتتى تۇرعىن ۇيدە گاز جارىلىپ, 3 ادام اۋرۋحاناعا ءتۇستى, دەپ حابارلايدى Egemen.kz.
وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنشە, وقىس وقيعا 23 قاڭتاردا ساعات 18:34-تە اتىراۋ قالاسىندا بولعان.
«اۆانگارد-2» شاعىن اۋدانىندا ورنالاسقان №18 ءۇيدىڭ پاتەرىنىڭ بىرىندە تۇرمىستىق گاز جارىلدى. الدىن الا بولجام بويىنشا گاز جەلىسىندە اقاۋ بولعان. ەكىنشى قاباتتاعى كورشىلەس ەكى پاتەردىڭ اراسىنداعى قابىرعا قۇلادى. گاز جارىلىسىنان 3 ادام زارداپ شەگىپ, وبلىستىق اۋرۋحاناعا جەتكىزىلدى» دەپ حابارلادى دەپارتامەنتتىڭ ءباسپاسوز قىزمەتىنەن.
اۋرۋحاناعا تۇسكەن 3 ادامعا مەديتسينالىق كومەك كورسەتىلدى. كەيىن ونىڭ ەكەۋى ۇيىنە جىبەرىلدى. ال وقيعا ورنىندا توتەنشە جاعدايلار دەپارتامەنتىنىڭ قىزمەتكەرلەرى جۇمىس ىستەدى. جارىلىستىڭ سەبەبى انىقتالىپ جاتىر.