ەلوردا جاقىندا ەپيدەميولوگيا جاعدايعا بايلانىستى «قىزىل ايماققا» ەندى. نۇر-سۇلتاننىڭ باس سانيتارلىق دارىگەرى سارحات بەيسەنوۆانىڭ اقپاراتىنا سايكەس, COVID-19 ينفەكتسياسىنىڭ اپتالىق ءوسىمى بايقالادى.
ىندەتتىڭ ءوسۋى قالا تۇرعىندارىنىڭ الەۋمەتتىك قاشىقتىق ەرەجەلەرىن جانە باسقا دا سانيتارلىق تالاپتاردى بۇزۋىمەن بايلانىستى. وسىعان بايلانىستى رەيدتەر كۇشەيتىلمەك. سانيتارلىق شارالار ساقتالماسا جاعداي كەز-كەلگەن ۋاقىتتا ناشارلاۋى مۇمكىن.
«ەگەر حالىق اراسىندا جۇقتىرۋ سانى ارتاتىن بولسا, ءبىز قاتاڭ شەكتەۋ شارالارىن كەزەڭ-كەزەڭمەن نەمەسە بىردەن ەنگىزۋگە ءماجبۇر بولامىز. اۋىرىپ قالۋىمىز تىكەلەي وزىمىزگە بايلانىستى. مۇنى ەستە ساقتاۋ قاجەت. ەلورداداعى ەپيدەميولوگيالىق جاعداي قازىر «تۇراقسىز». الايدا تۇرعىندار مەديتسينالىق بەتپەردە كيۋ, الەۋمەتتىك قاشىقتىقتى ساقتاۋ, بۇقارالىق ءىس-شارالار وتكىزبەۋ, ادامدار كوپ جينالاتىن ورىندارعا بارۋدان اۋلاق بولۋ سياقتى قاراپايىم ەرەجەلەردى بۇلجىتپاي ساقتايتىن بولسا, قاتاڭ شارالار قابىلداۋ تۋرالى ويىمىزدان باس تارتۋىمىز مۇمكىن», دەپ اتاپ ءوتتى ەلوردانىڭ باس سانيتارلىق دارىگەرى سارحات بەيسەنوۆا.