21 قاڭتاردا قازاقستان رەسپۋبليكاسىنىڭ اۋماعىنا يران, مالديۆ رەسپۋبليكاسى, ءباا, مىسىر, تۇركيا, رف جانە وزبەكستاننان 13 حالىقارالىق اۋە رەيسى كەلدى.
1 888 اۋە جولاۋشىلارىنىڭ ىشىندە پتر-تەستىلەۋدىڭ تەرىس ناتيجەسى بار انىقتامامەن 1 471 ادام, انىقتاماسىز 417 قر ازاماتتارى كەلدى. ونىڭ ىشىندە: الماتى قالاسىنىڭ اۋەجايىنا – 8 رەيس, 1 131 جولاۋشى, انىقتامامەن - 885, انىقتاماسىز - 246; نۇر-سۇلتان قالاسىنىڭ اۋەجايىنا – 4 رەيس, 752 جولاۋشى, انىقتامامەن - 581; انىقتاماسىز - 171;اقتاۋ قالاسىنىڭ اۋەجايىنا – 1 رەيس, 5 جولاۋشى انىقتامامەن كەلدى.انىقتاماسىز كەلگەن قازاقستان ازاماتتارى كەلگەن جەرلەرى بويىنشا COVID-19-عا پتر-تالداۋ ادىسىمەن تەستىلەندى جانە كارانتيندىك ستاتسيونارلاردا ءوز ناتيجەلەرىن كۇتۋدە.
20 قاڭتاردا انىقتاماسىز كەلگەن 258 قر ازاماتىنىڭ پتر-تالداۋ ناتيجەلەرى بويىنشا 10 جولاۋشىدان كوروناۆيرۋستىق ينفەكتسيا انىقتالدى. ولاردىڭ ىشىندە 6 جولاۋشى مينسك – نۇر-سۇلتان رەيسىمەن, 3 جولاۋشى شارم-ەل-شەيح – نۇر-سۇلتان, تاعى ءبىر جولاۋشى دۋباي – نۇر-سۇلتان رەيسىمەن كەلگەن.