19 قاڭتار يتاليانىڭ تريەست قالاسىندا سۋ دوبىنان ايەلدەر كوماندالارى اراسىندا توكيو وليمپياداسىنا ىرىكتەۋ ءتۋرنيرى باستالدى. وكىنىشكە قاراي, قازاقستان كومانداسى العاشقى ويىندا جەڭىلىپ قالدى دەپ حابارلايدى Egemen.kz Olympic.kz سايتىنا سىلتەمە جاساپ.
«ۆ» توبىندا سىنعا تۇسكەن قازاقستاندىقتار ءبىرىنشى ويىندى گرەكيا قۇراماسىنا قارسى وتكىزگەن بولاتىن. اتالعان ماتچتا قازاقستاندىقتار 5:13 ەسەبىمەن قارسىلاسقا جول بەردى.
ءبىزدىڭ قۇراما ساپىنان اناستاسيا ەرەمينا, داريا روگا, ايجان اقىلباەۆا, ۆيكتوريا حريتانكوۆالار مەرگەندىگىمەن كوزگە ءتۇستى.
قازاقستان كومانداسى كەلەسى ويىندى ۆەنگريا قۇراماسىنا قارسى وتكىزەدى. كەزدەسۋ 20 قاڭتارعا جوسپارلانعان.