14-15 جەلتوقسان كۇندەرى استانا قالاسىنداعى «داۋلەت» سپورت كەشەنىندە «قازاقستان بوكس فەدەراتسياسىنىڭ كۋبوگى» رەسپۋبليكالىق تۋرنيرىنىڭ جارتىلاي فينالى مەن فينالى وتەدى.بۇل تۋرالى www.egemen.kz تىلشىسى حابارلادى.
بيىلعى باسەكە ەل بوكسىنىڭ 80 جىلدىق مەرەيتويىنا ارنالادى.
14 جەلتوقسان كۇنى ساعات 15.00-دە استانا قالاسىنىڭ جانە وڭتۇستىك قازاقستان وبلىسىنىڭ كوماندالارى جارتىلاي فينالدا كەزدەسەدى. وسى كۇنى ەكىنشى جارتىلاي فينالدا قاراعاندى وبلىسى جانە ماڭعىستاۋ وبلىسىنىڭ بوكسشىلارى شارشى الاڭعا شىعادى.
جارتىلاي فينالعا قاتىساتىن ءتورت كوماندانىڭ ۇشەۋى بۇعان دەيىن قازاقستان بوكس فەدەراتسياسىنىڭ جۇلدەلەرىن جەڭىپ العان. مىسالى, استانا قالاسىنىڭ قۇراماسى - 2010 جىلى, قاراعاندى وبلىسىنىڭ كومانداسى - 2011 جىلى, ماڭعىستاۋ وبلىسىنىڭ وكىلدەرى - 2012 جىلى قازاقستان بوكس فەدەراتسياسىنىڭ كۋبوگىنىڭ يەگەرى اتاندى. ال, وڭتۇستىك قازاقستان وبلىسىنىڭ قۇراماسى ەكى رەت (2010, 2012 ج.ج.) وسى ءتۋرنيردىڭ فينالىنا قاتىستى.
تاعى ءبىر ايتا كەتەتىن نارسە, «قازاقستان بوكس فەدەراتسياسىنىڭ كۋبوگى» رەسپۋبليكالىق تۋرنيرىنىڭ جارتىلاي فينالى كەزىندە العاش رەت ۇش سالماق دارەجەسى بويىنشا ايەلدەر اراسىنداعى جەكپە-جەكتەر وتەدى. بوكس فەدەراتسياسىنىڭ حابارلاۋىنشا, كەلەسى تۋرنيردە ايەلدەر قۇراماسى ەرلەر قۇراماسىمەن بىرگە تەڭ دارەجەدە ونەر كورسەتەتىن بولادى.
15 جەلتوقسان كۇنى ساعات 15.00-دە قازاقستان بوكس فەدەراتسياسى كۋبوگىنىڭ فينالى وتەدى. فينالدان سوڭ قازاقستان بوكس فەدەراتسياسىنىڭ ەڭ ۇزدىك نوميناتسيالارى بويىنشا بيىلعى جىلدىڭ جەڭىمپازدارى مەن بوكس ارداگەرلەرى ماراپاتتالادى.
داستان كەنجالين.
دەرەككوز: www.kfb.kzV