8-13 قاڭتار ارالىعىندا الماتى قالاسىنداعى رەسپۋبليكالىق فيزيكا-ماتەماتيكا مەكتەبىندە مامانداندىرىلعان ءبىلىم بەرۋ ۇيىمدارىنىڭ وقۋشىلارىنا ارنالعان ماتەماتيكا, فيزيكا جانە ينفورماتيكا پاندەرىنەن XVII حالىقارالىق جاۋتىكوۆ وليمپياداسى ونلاين فورماتتا ءوتتى, دەپ حابارلايدى Egemen.kz.
وليمپياداعا اۆستراليا, ازەربايجان, ارمەنيا, بەلارۋس, بولگاريا, گرۋزيا, دانيا, ءۇندىستان, يندونەزيا, يران, قىرعىزستان, موڭعوليا, رەسەي, رۋمىنيا, سەربيا, تاجىكستان, تۇركىمەنستان, تۇركيا, وزبەكستان جانە ۋكراينا ەلدەرىنەن 146 كوماندا قۇرامىندا مىڭنان استام وقۋشى قاتىستى.
وليمپيادانىڭ قورىتىندىسى بويىنشا قازاقستاندىق وقۋشىلار 90 مەدال جەڭىپ الدى. ونىڭ 13-ءى التىن, 37-ءسى كۇمىس جانە 40 قولا مەدال. وليمپيادانىڭ ناتيجەسى بويىنشا 500 قاتىسۋشى جۇلدەگەر اتاندى.