سولتۇستىك قازاقستان وبلىسىنىڭ پەتروپاۆل قالاسىندا تۇرعىن ءۇي كوممۋنالدىق شارۋاشىلىعىن جاڭعىرتۋ باعدارلاماسىنا بولىنگەن قارجى تالان-تاراجعا ءتۇستى. بۇل تۋرالى «كتك» تەلەارناسى حابارلادى.
شەنەۋنىكتەر تۇرعىن ءۇيدىڭ دۇرىس جوندەلمەگەنىن بىلە تۇرا, مەردىگەر كومپانيانىڭ ەسەپ شوتىنا 1,7 ملن.تەڭگە اۋدارىپ جىبەرگەن. قازىر قالالىق اكىمدىكتىڭ بىرقاتار قىزمەتكەرىنە قاتىستى قىلمىستىق ءىس قوزعالدى. ازىرگە ولاردىڭ ەسىمدەرىن قۇقىق قورعاۋ قىزمەتكەرلەرى اتاعان جوق.
«اكىمشىلىك قىزمەتكەرلەرى ماعان تۇرعىن ءۇي قۇرىلىسىن باسقا ءبىر مەردىگەرگە تاپسىرۋعا يتەرمەلەدى. ناقتى ايتقاندا, قانات تالعات ۇلى مەن ماريا مۇحتارقىزى قاتتى قىسىم كورسەتتى»,-دەيدى پيك توراعاسى ۆلاديمير حامديەۆ.
بىزگە كەلىپ تۇسكەن سوڭعى اقپاردا قالالىق تۇرعىن ءۇي ينسپەكتسياسى ءبولىمىنىڭ باسشىسى بولعان قانات تالعات ۇلى قىزمەتىنەن بوساتىلعانى جازىلعان. ەندى قۇقىق قورعاۋ قىزمەتكەرلەرى كوتەرىلگەن ماسەلەنىڭ اق-قاراسىن اشۋ ءۇشىن بارلىق جاۋاپتى تۇلعالاردان جاۋاپ الاتىن بولادى.
باقىتبەك كەنەش ۇلى.
دەرەككوز: «كتك» تەلەارناسى.