«دارىن» جاستار سىيلىعىنىڭ يەگەرى, III حالىقارالىق «شابىت» فەستيۆالىنىڭ لاۋرەاتى, اقىن داۋلەتكەرەي كاپ ۇلىنىڭ شىعارماشىلىق كەشى ءوتتى.
«دارىن» جاستار سىيلىعىنىڭ يەگەرى, III حالىقارالىق «شابىت» فەستيۆالىنىڭ لاۋرەاتى, اقىن داۋلەتكەرەي كاپ ۇلىنىڭ شىعارماشىلىق كەشى ءوتتى.
ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ باس عيماراتىندا وتكەن شارانىڭ تىزگىنىن اقىن باقىت بەدەلحان ۇستادى. وسى كەشتە اقىننىڭ ءۇشىنشى ءتول تۋىندىسى – «شەرتولعاق» كىتابىنىڭ تۇساۋى كەسىلدى.
كەشكە «حاقتىڭ ق ۇلى, كاپتىڭ ۇلىنىڭ» شىعارماشىلىعىن سىيلاعان س.قاسقاباسوۆ, ك.ءامىربەك, ن.سابيليانوۆ, ب.سماعۇل, و.اسانوۆا, ۇ.ەسداۋلەت, س.تۇرعىنبەك ۇلى, ت.ءابدىكاكىم ۇلى, ءا.اسقاروۆ سىندى ءبىرقاتار زيالىلار جانە ب.يماشەۆ, ر.زايتوۆ, م.اۋەسحان سەكىلدى سۋىرىپسالما اقىندار قاتىستى. «اق جاۋىن» مەملەكەتتىك-كامەرالىق وركەسترىمەن اشىلعان شارا اقىنداردىڭ ءوزارا ايتىسىمەن قىزا ءتۇستى. ونەر جۇلدىزدارى: ا.ەلشىباەۆا, ە.ايتباەۆ, ز.يمانعازيەۆا, گ.ءبوكەيحانوۆالار ءان شىرقاسا, ا.بەكبوسىن ءوزى «تاۋ بارىسى» دەپ اتاعان اعاسىنا «ايبارىس» كۇيىن تارتۋ ەتتى. جازۋشى ءا.اسقاروۆ اقىن ىنىسىنە «قازاقتىڭ مىڭ ءانى» اتتى كىتابىن سىيعا تارتسا, د.كاپ ۇلىنىڭ كەۋدەسىنە اۋعان سوعىسىنىڭ ارداگەرى, ءماجىلىس دەپۋتاتى ب.سماعۇلوۆ «باۋىرجان مومىش ۇلى» توسبەلگىسىن تاقتى.
«بالبال تاستىڭ جۇرەگى بۇلك ەتكەندە...» دەپ اتالعان شىعارماشىلىق كەشىندە كورەرمەن داۋلەتكەرەي اقىندى سان قىرىنان تانىدى.
كامشات جۇباتحانوۆا,
ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ 1-كۋرس ستۋدەنتى.