الماتى وبلىسىنىڭ تۇرعىنى قىلمىستىق جاۋاپكەرشىلىكتەن قاشىپ, ءوز-وزىنە قول سالعان.
الماتى وبلىسىنىڭ تۇرعىنى قىلمىستىق جاۋاپكەرشىلىكتەن قاشىپ, ءوز-وزىنە قول سالعان.
وبلىستىق ىشكى ىستەر دەپارتامەنتى ءباسپاسوز قىزمەتىنىڭ دەرەگى بويىنشا, ءبىر جىگىت رايىمبەك اۋدانىنىڭ شىرعاناق اۋىلىندا 8-سىنىپ وقۋشىسىن زورلاماق بولعان. بىراق 15 جاسار قىزدان قاتتى قارسىلىق كورگەن قاسكۇنەم سول بويى قاشىپ كەتكەن. وسىدان كەيىن قىز بالانىڭ اناسى پوليتسياعا كەلىپ, زورلاۋعا ارەكەت جاسالعانىن جەتكىزگەن.
حابار تيگەن بويدا اتقا قونعان ءتارتىپ ساقشىلارى جابىرلەنۋشىنىڭ سۋرەتتەۋى بويىنشا كۇدىكتىنىڭ كىم ەكەنىن تەز انىقتايدى. ول كورشى كىشى قارقارا اۋىلىنىڭ تۇرعىنى بولىپ شىققان. شىرعاناق اۋىلىندا جۇرگەن زورلىقشى وسى ەلدى مەكەندە تۇراتىن تۋىسىنىڭ ۇيىنە بارىپ تىعىلعان. بىراق ءبارىبىر قۇتىلماسىن بىلگەن ول پوليتسەيلەر كەلگەنشە سارايدا اسىلىپ قالىپتى.
قۇرىش نۇرىمبەت.