ەلىمىزدە مىندەتتى الەۋمەتتىك ساقتاندىرۋ جۇيەسىن دامىتۋ البەتتە كۇن تارتىبىنەن تۇسپەيتىن كوكەيكەستى ماسەلەنىڭ ءبىرى. وسى ورايدا ونىڭ بۇكىل قوعام ءۇشىن قانشالىقتى ماڭىزدى ەكەندىگىن ءبىلۋ ماقساتىندا «مەملەكەتتىك الەۋمەتتىك ساقتاندىرۋ قورى» اكتسيونەرلىك قوعامىنىڭ پرەزيدەنتى الماس قۇرمانوۆپەن اڭگىمەلەسۋدىڭ ءساتى ءتۇستى.
– الماس مۇحامەدكارىم ۇلى, الەمدە ءارتۇرلى الەۋمەتتىك قامسىزداندىرۋ جۇيەلەرىنىڭ بار ەكەنى بەلگىلى. قازىردە قازاقستاندا حالىقتى الەۋمەتتىك قورعاۋدىڭ قانداي جۇيەسى قولدانىلۋدا؟
ەلىمىزدە مىندەتتى الەۋمەتتىك ساقتاندىرۋ جۇيەسىن دامىتۋ البەتتە كۇن تارتىبىنەن تۇسپەيتىن كوكەيكەستى ماسەلەنىڭ ءبىرى. وسى ورايدا ونىڭ بۇكىل قوعام ءۇشىن قانشالىقتى ماڭىزدى ەكەندىگىن ءبىلۋ ماقساتىندا «مەملەكەتتىك الەۋمەتتىك ساقتاندىرۋ قورى» اكتسيونەرلىك قوعامىنىڭ پرەزيدەنتى الماس قۇرمانوۆپەن اڭگىمەلەسۋدىڭ ءساتى ءتۇستى.
– الماس مۇحامەدكارىم ۇلى, الەمدە ءارتۇرلى الەۋمەتتىك قامسىزداندىرۋ جۇيەلەرىنىڭ بار ەكەنى بەلگىلى. قازىردە قازاقستاندا حالىقتى الەۋمەتتىك قورعاۋدىڭ قانداي جۇيەسى قولدانىلۋدا؟
– جالپى, قازاقستانداعى حالىقتى الەۋمەتتىك قورعاۋ جۇيەسى – الەۋمەتتىك ساقتاندىرۋ جۇيەسى مەن مەملەكەتتىك الەۋمەتتىك قامسىزداندىرۋدى بىرىكتىرەتىن, ءوزىن الەۋمەتتىك قورعاۋ ءۇشىن ازاماتتاردىڭ جەكە جاۋاپكەرشىلىگى مەن جۇمىس بەرۋشىلەردىڭ جانە مەملەكەتتىڭ ىنتىماقتى جاۋاپكەرشىلىگى قاعيداتتارىنا قۇرىلعان.
قازاقستان رەسپۋبليكاسىنىڭ كونستيتۋتسياسىمەن ءاربىر ازاماتقا جالاقىنىڭ تومەنگى مولشەرى, جاسىنا قاراي الەۋمەتتىك قامسىزداندىرۋ, اۋرۋ جاعدايىنا, مۇگەدەكتىگىنە, اسىراۋشىسىنان ايىرىلۋىنا جانە باسقا دا زاڭدىق نەگىزدەر بويىنشا الەۋمەتتىك قامسىزداندىرىلۋعا كەپىلدىك بەرىلەدى. وسىعان بايلانىستى الەۋمەتتىك قاتەر تۋعان جاعدايدا ازاماتتارعا ونىڭ جۇمىس ىستەۋ-ىستەمەۋىنە بايلانىسسىز مەملەكەتتىك بازالىق الەۋمەتتىك ءجاردەماقىلار مەن زەينەتاقىلار تاعايىندالادى.
جۇمىس ىستەيتىن حالىق جيناقتاۋشى زەينەتاقى جۇيەسىمەن جانە مىندەتتى الەۋمەتتىك ساقتاندىرۋ جۇيەسىمەن قامتىلعان. الەۋمەتتىك تاۋەكەل تۋعان جاعدايدا الەۋمەتتىك تولەمدەردىڭ مولشەرى ساقتاندىرىلعان جالاقىسىنا جانە جۇيەگە قاتىسۋ وتىلىنە بايلانىستى بولادى.
سونىمەن قاتار, حالىق ءوز ءومىرىن, وتباسى مۇشەلەرىن جەكە ساقتاندىرۋ ۇيىمدارىندا «ءومىردى ساقتاندىرۋ» سالاسى بويىنشا ەرىكتى ساقتاندىرا الادى. مىسالى, ەرىكتى زەينەتاقى جارنالارى ەسەبىنەن ساقتاندىرۋ ونىمدەرىنىڭ تۇرلەرى بويىنشا (اتا-انالاردىڭ, بالالاردىڭ ءومىرىن ساقتاندىرۋ, بالالاردى وقىتۋ جانە ت.ب.).
– جالپى, الەۋمەتتىك ساقتاندىرۋ نە ءۇشىن كەرەك, كوپتەگەن ادامدار مۇنى وزدەرىنە ەشقانداي قاۋىپ-قاتەر بولمايدى دەگەن ۇمىتپەن ارتىق اقشا جۇمساۋ دەپ ويلايدى؟
– بىزدە حالىق الەۋمەتتىك ساقتاندىرۋ جۇيەسىنىڭ پايداسى تۋرالى ءالى دە تولىق بىلمەيدى. شەتەلدە – ساقتاندىرۋ دەگەنىمىز تۇتاستاي مادەنيەت. ياعني, جوعارى جالاقى الاتىن ادامدار وزدەرىنىڭ الداعى ءومىرىن لايىقتى تابىسپەن قامتاماسىز ەتكىلەرى كەلەدى, سوندىقتان دا ساقتاندىرۋ كومپانيالارىنا شارت جاساسۋ ءۇشىن ەرىكتى تۇردە جۇگىنەدى. زەينەتكەرلىككە شىققاننان كەيىن شارت بويىنشا اۋدارعان قارجىسىمەن ءوزىن قانشالىقتى قامتاماسىز ەتسە, سونشا زەينەتاقى الاتىن بولادى. دەمەك, ازامات بۇعان وزىنە لايىقتى ءومىردى قامتاماسىز ەتۋ ءۇشىن بارادى. ارينە, ساقتاندىرۋ مادەنيەتىن دامىتۋ شارتتارىنىڭ ءبىرى – ول ازاماتتاردىڭ تابىسىن ارتتىرۋ ارقىلى حالىقتىڭ ءومىر ءسۇرۋ دەڭگەيىن كوتەرۋ. جالپى العاندا ءبىر ادامنىڭ بولاشاعىن ينۆەستيتسيالاۋ مادەنيەتى مەن ءومىر ءسۇرۋ دەڭگەيى بويىنشا تۇتاستاي مەملەكەتتىڭ دامۋ دەڭگەيىن ايقىنداۋعا بولادى.
– ەلىمىزدىڭ الەۋمەتتىك قورعاۋ جۇيەسىندەگى مىندەتتى الەۋمەتتىك ساقتاندىرۋدىڭ ءرولى قانداي؟
– الەۋمەتتىك قامسىزداندىرۋدىڭ جاڭا ستاندارتىنا ءوتۋ 2004 جىلى جالعىز اكتسيونەرى جانە قۇرىلتايشىسى مەملەكەت بولىپ تابىلاتىن, اكتسيونەرلىك قوعام تۇرىندەگى مەملەكەتتىك الەۋمەتتىك ساقتاندىرۋ قورىنىڭ (قور) قۇرىلۋىنا سەبەپشى بولدى. قور الەۋمەتتىك اۋدارىمداردى شوعىرلاندىرۋدى جانە الەۋمەتتىك قاتەر تۋعان جاعدايدا مىندەتتى الەۋمەتتىك ساقتاندىرۋ جۇيەسىنىڭ قاتىسۋشىلارىنا الەۋمەتتىك تولەمدەردى تولەۋدى جۇزەگە اسىرادى.
قازاقستاندا مىندەتتى الەۋمەتتىك ساقتاندىرۋ جۇمىس ىستەيتىن حالىقتى الەۋمەتتىك قامسىزداندىرۋدىڭ قوسىمشا ءتۇرى رەتىندە 2005 جىلدىڭ 1 قاڭتارىنان باستاپ ەنگىزىلدى.
– قوردان قانداي الەۋمەتتىك تولەمدەر تولەنەدى؟
– جۇمىس بەرۋشىلەر ولار ءۇشىن قورعا الەۋمەتتىك اۋدارىمدار تولەگەن جۇمىس ىستەيتىن حالىق قوردان الەۋمەتتىك تولەم الۋشى بولىپ تابىلادى.
2005 جىلدىڭ 1 قاڭتارىنان باستاپ قوردان ەڭبەك ەتۋ قابىلەتىنەن ايىرىلۋى, اسىراۋشىسىنان ايىرىلۋى, جۇمىسىنان ايىرىلۋى (جۇمىسسىزدىققا جاردەماقى) جاعدايلارىنا الەۋمەتتىك تولەمدەر تولەنىپ كەلەدى.
قازاقستان رەسپۋبليكاسىنىڭ پرەزيدەنتى نۇرسۇلتان ءابىش ۇلى نازارباەۆتىڭ 2007 جىلعى 28 قاڭتارداعى «جاڭا الەمدەگى جاڭا قازاقستان» اتتى قازاقستان حالقىنا ارناعان جولداۋىن جۇزەگە اسىرۋ اياسىندا 2008 جىلدىڭ 1 قاڭتارىنان باستاپ انا مەن بالانى مىندەتتى الەۋمەتتىك ساقتاندىرۋ ەنگىزىلدى. وسىعان بايلانىستى قوردان:
- جۇكتىلىگىنە جانە بوسانۋىنا, جاڭا تۋعان بالانى (بالالاردى) اسىراپ الۋىنا;
- ءبىر جاسقا تولعانعا دەيىنگى بالا كۇتىمىنە بايلانىستى الەۋمەتتىك تولەمدەر تاعايىندالادى.
ەڭبەك ەتۋ قابىلەتىنەن ايىرىلۋى, جۇمىسىنان ايىرىلۋى جاعدايلارىنا جانە انا مەن بالانى قورعاۋعا قوردان تاعايىندايتىن الەۋمەتتىك تولەمدەردەن مىندەتتى زەينەتاقى جارنالارى ۇستالادى جانە بىرىڭعاي جيناقتاۋشى زەينەتاقى قورىنا اۋدارىلادى.
– مىندەتتى الەۋمەتتىك ساقتاندىرۋ كىمدەر ءۇشىن مىندەتتى بولىپ تابىلادى؟
– جۇمىس ىستەيتىن زەينەتكەرلەردى قوسپاعاندا, قازاقستان رەسپۋبليكاسىنىڭ اۋماعىندا تۇراقتى تۇراتىن جانە تابىس اكەلەتىن قىزمەتتi جۇزەگە اسىراتىن ازاماتتىعى جوق ادامداردى قوسا العاندا, بارلىق قىزمەتكەرلەر مiندەتتi الەۋمەتتiك ساقتاندىرۋعا جاتادى.
حالىقتىڭ جۇمىسقا ورنالاسۋى كەزىندە جۇمىس بەرۋشىمەن كەلىسىمشارت جاساۋى وتە ماڭىزدى, ويتكەنى, مۇنداي جاعدايدا جۇمىس بەرۋشى قورعا اي سايىنعى الەۋمەتتىك اۋدارىمداردىڭ ۋاقتىلى جانە تولىق تولەنۋىنە جاۋاپتى بولادى.
مىسالى, ەڭبەك ەتۋ قابىلەتىنەن ايىرىلۋى جانە اسىراۋشىسىنان ايىرىلۋى جاعدايىنا الەۋمەتتىك تاۋەكەل تۋعان جاعدايدا, ادام ءۇش جەردەن الەۋمەتتىك كومەك الادى: ءبىرىنشى – رەسپۋبليكالىق بيۋدجەت قارجىسى ەسەبىنەن مەملەكەتتىك جاردەماقى; ەكىنشى – قوردىڭ قاراجاتى ەسەبىنەن الەۋمەتتىك تولەمدەر, ءۇشىنشى – «ءومىردى ساقتاندىرۋ» سالاسى بويىنشا جەكە ساقتاندىرۋ كومپانيالارى قارجىسى ەسەبىنەن تولەنەتىن ساقتاندىرۋ تولەمدەرى (ەگەر جۇمىس بەرۋشىمەن وندىرىستە جازاتايىم وقيعالاردان مىندەتتى ساقتاندىرۋ شارتى جاسالعان بولسا) نەمەسە جۇمىس بەرۋشىدەن (ەگەر جۇمىس بەرۋشىمەن وندىرىستە جازاتايىم وقيعالاردان مىندەتتى ساقتاندىرۋ شارتى جاسالماعان بولسا).
– قورعا تولەنەتىن الەۋمەتتىك اۋدارىمداردىڭ مولشەرلەمەسى قانداي. وسى ءجونىندە تارقاتىپ وتسەڭىز؟
– جۇمىس بەرۋشىلەر جانە (نەمەسە) ءوزىن-ءوزى جۇمىسپەن قامتىعان تۇلعالار قورعا الەۋمەتتىك اۋدارىمداردى تولەۋشىلەر بولىپ تابىلادى. «مىندەتتى الەۋمەتتىك ساقتاندىرۋ تۋرالى» قازاقستان رەسپۋبليكاسىنىڭ زاڭىنا سايكەس ءوزىن-ءوزى جۇمىسپەن قامتىعان تۇلعالارعا سالىق ورگاندارىندا رەسمي ءتىركەلگەن, جەكە كاسىپكەرلەر, جەكە نوتاريۋستار, جەكە سوت ورىنداۋشىلارى, ادۆوكاتتار جاتادى.
الەۋمەتتىك اۋدارىمداردىڭ مولشەرلەمەسى قىزمەتكەردىڭ اي سايىنعى تابىسىنىڭ 5%-ىن قۇرايدى. الەۋمەتتىك اۋدارىمدار تولەنەتىن تابىستىڭ ەڭ جوعارعى جانە ەڭ تومەنگى شەگى بەلگىلەنگەن. الەۋمەتتىك اۋدارىمداردىڭ ەڭ تومەنگى مولشەرى ءتيىستى قارجى جىلىنا رەسپۋبليكالىق بيۋدجەت تۋرالى قازاقستان رەسپۋبليكاسىنىڭ زاڭىمەن بەلگىلەنگەن ەڭ تومەنگى جالاقى مولشەرىنىڭ (بۇدان ءارى – ەتج) 5 % كەم بولماۋى كەرەك, ال ەڭ جوعارعى مولشەرى 10 ەسەلەنگەن ەتج كولەمىنىڭ 5 % ارتىق بولماۋى كەرەك. الەۋمەتتىك ساقتاندىرۋ بويىنشا ساقتاندىرۋ اۋدارىمدارى تولەنەتىن تابىسقا شەكتەۋ بەلگىلەۋ حالىقارالىق تاجىريبەدە كەڭىنەن قولدانىلادى, وسىلايشا مەملەكەت حالىقتى ورتاشا تابىس دەڭگەيىندە الەۋمەتتىك قامسىزداندىرۋعا كەپىلدىك بەرەدى.
تولەۋشىلەردىڭ الەۋمەتتىك اۋدارىمداردى ۋاقىتىندا جانە تولىق تولەۋى الەۋمەتتىك قاتەر تۋعان جاعدايدا تاۋەكەلگە ۇشىراعان ادامعا زاڭمەن كوزدەلگەن قوردان تولەنەتىن الەۋمەتتىك تولەمنىڭ ءتيىستى دەڭگەيىن قامتاماسىز ەتەدى.
سونداي-اق اي سايىنعى الەۋمەتتىك اۋدارىمدار قىزمەتكەردىڭ جالاقىسىنان ۇستالمايدى, ول جۇمىس بەرۋشىنىڭ قارجىسى ەسەبىنەن تولەنەدى.
– الەۋمەتتىك اۋدارىمدار قايدا جينالادى؟ ولار ءسويتىپ, نەگە جۇمسالادى؟ ولاردىڭ ساقتالۋىنا قانداي دا ءبىر كەپىلدىك بار ما؟
– ارينە, الەۋمەتتىك اۋدارىمدار زەينەتاقى تولەۋ جونىندەگى مەملەكەتتىك ورتالىق ارقىلى, ولاردىڭ ءتۇسۋى بويىنشا دەربەستەندىرىلگەن ەسەپ جۇرگىزىلگەن سوڭ قوردىڭ بانكتىك شوتىنا تۇسەدى. قوردىڭ اكتيۆتەرى تەك قانا الەۋمەتتىك تولەمدەردى تولەۋگە جانە ۋاقىتشا بوس قارجىنى قارجى قۇرالدارىنا ورنالاستىرۋعا جۇمسالادى.
قوردىڭ ينۆەستيتسيالىق قىزمەتىن, ءتىزىمىن قازاقستان رەسپۋبليكاسىنىڭ ۇكىمەتى ايقىندايتىن قوردىڭ اكتيۆتەرىن ورنالاستىرۋ جولىمەن ۇلتتىق بانك جۇرگىزەدى. نەگىزگى قارجى قۇرالدارى – قارجى مينيسترلىگى اينالىسقا شىعاراتىن مەملەكەتتىك باعالى قاعازدار جانە ۇلتتىق بانكتىڭ نوتالارى. وسىلايشا, قازىرگى ۋاقىتتا قور اكتيۆتەرى ەكونوميكا مەن قوعامدى دامىتۋعا ورنالاستىرىلعان ينستيتۋتسيونالدى ينۆەستور بولىپ تابىلادى.
– قازىرگى كۇنگە قوردان تولەنگەن الەۋمەتتىك تولەمدەردىڭ كولەمى قانداي بولىپ وتىر؟
– جالپى 2005-2012 جىلدارى الەۋمەتتىك قاتەرلەردىڭ بارلىق تۇرلەرى بويىنشا قوردان 285 ملرد.-تان اسا تەڭگە الەۋمەتتىك تولەمدەر تولەندى, ونىڭ ىشىندە 264 ملرد.تەڭگە نەمەسە 93 % انا مەن بالانى قولداۋ بويىنشا الەۋمەتتىك تولەمدەرگە جۇمسالدى.
بۇل رەتتە, الەۋمەتتىك تولەمدەردىڭ ەكى ءتۇرى ۇزاق مەرزىمدى بولىپ تابىلاتىنىن اتاپ وتكەن ءجون. مىسالى, ەگەر جۇمىسشىعا 25 جاسىندا مۇگەدەكتىك شەكسىز مەرزىمگە بەلگىلەنسە, وندا الەۋمەتتىك تولەمدەر وعان 40 جىل بويى قور ەسەبىنەن زەينەتاقى جاسىنا جەتكەنگە دەيىن تولەنەدى. سونداي-اق, ەگەر جۇمىسشى قايتىس بولسا جانە ونىڭ 1 جاسقا تولماعان بالاسى قالسا, وندا اسىراۋىنداعى جان رەتىندە 18 جاسقا تولعانعا دەيىن قوردان الەۋمەتتىك تولەم تولەنەدى, جوعارى ءبىلىم ورنىنىڭ كۇندىزگى بولىمىندە وقىعان جاعدايدا 23 جاسقا تولعانعا دەيىن تولەنەدى.
ايتىلىپ وتىرعان ۇزاق مەرزىمدى الەۋمەتتىك تولەمدەردىڭ ساتىپ الۋ قابىلەتتىلىگىن ساقتاۋ ماقساتىندا جىل سايىن قازاقستان رەسپۋبليكاسى ۇكىمەتىنىڭ قاۋلىسىنا سايكەس الەۋمەتتىك تولەمدەردىڭ كولەمى ارتىپ وتىرادى.
– حالىق اراسىندا اقپاراتتىق-ءتۇسىندىرۋ جۇمىسى قالايشا جۇرگىزىلەدى؟ قوردان الەۋمەتتىك تولەمدەر الۋعا قۇقىعى بارىن بىلمەيتىن ازاماتتار بولۋى مۇمكىن ەمەس پە؟
– قور بۇقارالىق اقپارات قۇرالدارى ارقىلى جۇرگىزىلەتىن, مىندەتتى الەۋمەتتىك ساقتاندىرۋ ماسەلەلەرى جونىندەگى اقپاراتتىق-ءتۇسىندىرۋ جۇمىستارىنا ۇلكەن ءمان بەرەدى. بۇل رەتتە, راديوارنالاردا اۋديوروليكتەر, تەلەارنالاردا بەينەروليكتەر جانە دەرەكتى فيلمدەر ورلاستىرىلادى, سونىمەن قاتار جەكە تۇلعالار مەن زاڭدى تۇلعالار اراسىندا بۋكلەتتەر, پاراقشالار, پلاكاتتار كەڭىنەن تاراتىلۋدا. قور مەملەكەتتىك ورگانداردىڭ, جۇمىس بەرۋشىلەردىڭ جانە حالىقتىڭ وكىلدەرىنىڭ قاتىسۋىمەن وڭىرلەردە مىندەتتى الەۋمەتتىك ساقتاندىرۋ ماسەلەلەرى جونىندە سەمينارلار, دوڭگەلەك ۇستەلدەر مەن كونفەرەنتسيالار ۇيىمداستىرىپ وتكىزەدى.
وسىعان قوسا, ازاماتتاردىڭ قازاقستانداعى مىندەتتى الەۋمەتتىك ساقتاندىرۋ سالاسى بويىنشا الەمنىڭ كەز كەلگەن جەرىنەن www.gfss.kz سايتىنا كىرىپ قاجەتتى سۇراقتارعا جاۋاپ الۋ مۇمكىندىگى بار.
سونىمەن قاتار, زەينەتاقى تولەۋ ءجونىندەگى ورتالىقتىڭ جانە اۋماقتىق باقىلاۋ جانە الەۋمەتتىك قورعاۋ دەپارتامەنتتەرىنىڭ قىزمەتكەرلەرى الەۋمەتتىك قورعاۋ ماسەلەلەرى بويىنشا اقپاراتتىق-ءتۇسىندىرۋ, ونىڭ ىشىندە مىندەتتى الەۋمەتتىك ساقتاندىرۋ ماسەلەلەرى جونىندە كەڭ اۋقىمدى جۇمىستار جۇرگىزەدى.
الەۋمەتتىك سالاداعى جۇمىس ءبىزدى ءاربىر وتىنىشكە تۇسىنىستىكپەن قاراۋعا جانە مىندەتتى الەۋمەتتىك ساقتاندىرۋ جۇيەسىنىڭ ماڭىزدىلىعىن ءاربىر ادامعا جەتكىلىكتى تۇردە تۇسىندىرۋگە مىندەتتەيدى.
– الماس مۇحامەدكارىم ۇلى, ەندى اڭگىمەنى الەۋمەتتىك ساقتاندىرۋ جۇيەسىنىڭ بولاشاعى قانداي دەگەن سۇراقپەن ءتۇيىندەسەك.
– قر كونستيتۋتسياسىنىڭ نورمالارىن ورىنداپ ساقتاۋمەن جانە قازاقستان رەسپۋبليكاسىنىڭ پرەزيدەنتى نۇرسۇلتان ءابىش ۇلى نازارباەۆتىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى قازاقستان حالقىنا ارناعان جولداۋىندا جانە ەلباسىنىڭ «الەۋمەتتىك جاڭعىرتۋ: «جالپىعا ورتاق ەڭبەك قوعامىنا قاراي 20 قادام» ماقالاسىندا قويىلعان مىندەتتەر مەن تالاپتاردى جۇزەگە اسىرۋ تۇرعىسىندا مەملەكەت ساياساتىنىڭ باستى باسىمدىعى ادام كاپيتالىنىڭ دامۋى, حالىقتىڭ ءومىر ءسۇرۋ دەڭگەيى مەن ساپاسىنىڭ ءوسۋى بولىپ سانالادى. وسى ماقساتتا ىسكە اسىرىلاتىن الەۋمەتتىك باعدارلامالار – جۇمىسپەن قامتۋدى ساقتاۋعا, تابىس كولەمىن ارتتىرۋعا, حالىقتى الەۋمەتتىك قورعاۋعا جانە ماسىلدىقتى جويۋعا باعىتتالعان.
مىندەتتى الەۋمەتتىك ساقتاندىرۋدىڭ كەلەشەكتەگى نەگىزگى مىندەتتەرى – الەۋمەتتىك ساقتاندىرۋدىڭ قارجىلىق تۇراقتىلىعىن قامتاماسىز ەتۋ, جالپىعا تانىلعان ساقتاندىرۋدىڭ قاعيداتتارىن ساقتاۋ, ساتىپ الۋ قابىلەتى ەسكەرىلە وتىرىپ, ۇزاق مەرزىمدى نەگىزدەگى الەۋمەتتىك تولەمدەردىڭ تەڭگەرىلىمىن قامتاماسىز ەتۋ, قور اكتيۆتەرىن ينۆەستيتسيالىق باسقارۋداعى تيىمدىلىگىن ارتتىرۋ, مىندەتتى الەۋمەتتىك ساقتاندىرۋدىڭ ۇيىمداستىرۋشىلىق-فۋنكتسيونالدىق مودەلىن جاقسارتۋ جانە مىندەتتى الەۋمەتتىك ساقتاندىرۋ جۇيەسىمەن حالىقتىڭ قاناعاتتاندىرىلۋىن ارتتىرۋ بولىپ تابىلادى. مىنە, سوندا عانا الەۋمەتتىڭ الەۋەتى ارتا تۇسەتىنى ءسوزسىز.
– اڭگىمەڭىزگە راحمەت.
اڭگىمەلەسكەن
مارات اققۇل,
«ەگەمەن قازاقستان».