الماتىداعى تاۋلى قىرات ەتەگىندە حالىق اقىنى, قازاقستاننىڭ ەڭبەك سىڭىرگەن ونەر قايراتكەرى كەنەن ازىرباەۆتىڭ ەسكەرتكىشى بوي كوتەردى.
كەنەن اقىن جاسىنان اۋىز ادەبيەتىنىڭ سان عاسىرلاردان بەرى ۇزىلمەي كەلگەن اسىل مۇرالارى ۇلگىلەرىمەن: اقىندىق, جىرشىلىق, شەشەندىك, ايتىسكەرلىك ونەردەن ءنار الىپ, ونى ءوز تاراپىنان جەتىلدىرىپ, كەمەلدەندىرە وتىرىپ, كەيىنگى ۇرپاققا جەتكىزۋگە ۇيىتقى بولدى.
الماتىداعى تاۋلى قىرات ەتەگىندە حالىق اقىنى, قازاقستاننىڭ ەڭبەك سىڭىرگەن ونەر قايراتكەرى كەنەن ازىرباەۆتىڭ ەسكەرتكىشى بوي كوتەردى.
كەنەن اقىن جاسىنان اۋىز ادەبيەتىنىڭ سان عاسىرلاردان بەرى ۇزىلمەي كەلگەن اسىل مۇرالارى ۇلگىلەرىمەن: اقىندىق, جىرشىلىق, شەشەندىك, ايتىسكەرلىك ونەردەن ءنار الىپ, ونى ءوز تاراپىنان جەتىلدىرىپ, كەمەلدەندىرە وتىرىپ, كەيىنگى ۇرپاققا جەتكىزۋگە ۇيىتقى بولدى. «تۋعان ەلىم, تۋعان جەر, ەشبىر وكپەم جوق سەندە, ەكى كەنەن تۋمايدى الاتاۋعا ەكسەڭ دە...», دەپ جىرلاعان بابا ەسكەرتكىشى تاۋەلسىزدىك مەرەكەسى كۇنى قارساڭىندا اشىلىپ وتىرۋىندا دا ءبىر ۇندەستىك بار سياقتى, دەدى سالتاناتتى جيىندا جۇرەكجاردى لەبىزىن بىلدىرگەن قالا اكىمى احمەتجان ەسىموۆ.
الماتىدا كەنەن ازىرباەۆتىڭ اتىنا مەكتەپ, كوشە بەرىلگەنىمەن, تاسقا قاشالعان بەينەسى بۇعان دەيىن ورناتىلماعان ەكەن. ەتەك-جەڭى كەڭ, قولىندا دومبىراسى بار بابانىڭ تاس ءمۇسىنىن جاساپ, بۇگىنگى ۇرپاقپەن قاۋىشتىرعان مەملەكەتتىك سىيلىقتىڭ لاۋرەاتى ەسكەن سىرگەباەۆ پەن باقىتجان ابىشەۆ.
«قۇلاعىمنان كەتپەيدى سالعان ءانى...», دەپ ۇلى جامبىل بابامىز جىرلاعانداي, وسى سالتاناتتاعى جۇرتشىلىق الدىندا: «حالىق ءۇشىن سايرا ءتىل, جاۋعا قىلىش قايرا ءتىل. جۇرتىم كورسىن پايدامدى, ونەرىڭدى سايلا ءتىل», دەپ جىرلاعان جىرى ۇرپاقپەن بىرگە جاساي بەرەدى دەپ, قازاقستان جازۋشىلار وداعى توراعاسىنىڭ ورىنباسارى, بەلگىلى اقىن عالىم جايلىباي, عاسىرعا جۋىق ءومىر ءسۇرىپ, 11 جاسىنان ەلىنىڭ, جەرىنىڭ, قازاقتىڭ قامىن ويلاپ, ماداقتاپ جىر جازعان قايتالانبايتىن تۇلعا ەكەنىن جەتكىزگەن قوعام قايراتكەرى عاينيكەن بيباتىروۆا, كەنەن اتامىزدىڭ ءتولباسى اتانعان قىزى تورتكەن اپاي دا جىلى لەبىزدەرىن ءبىلدىرىپ, ەستەلىكتەر ايتتى.
– ەسكەرتكىشتىڭ اشىلۋى تەك الماتىلىقتار ەمەس, بۇكىل قازاق ەلى, قازاق مادەنيەتى, ونەرى ءۇشىن ۇلكەن تاريحي وقيعا, – دەدى اسىلدىڭ سىنىعى, اقىننىڭ ۇلى باقىتجان كەنەن ۇلى وسى ۇلكەن شارانى جۇزەگە اسىرعان الماتى قالاسىنىڭ اكىمدىگىنە, قورداي جۇرتشىلىعى مەن اقىننىڭ اۋىلداستارىنا ازىرباەۆتار اۋلەتىنىڭ اتىنان راحمەت ايتا كەلە. – سوناۋ 2004 جىلى ۋاقىتىنىڭ تىعىزدىعىنا قاراماي ەلباسىمىزدىڭ اقىننىڭ اۋىلىنا اتباسىن بۇرىپ, مۇراجايىندا بولىپ, جۇرتپەن ەمىن-ەركىن اڭگىمەسىنىڭ كۋاسى بولىپ ەدىك. سوندا مۇراجايداعى قۇرمەت كىتابىنا: «ەسىمى ارۋاققا اينالعان كەنەن اتانىڭ ارمانى – حالقىنىڭ بىرلىگى, بولاشاق ۇرپاعىنىڭ باياندى باقىتى. سول ارۋاق ءبىزدى قولداسىن, تاۋەلسىزدىگىمىز, ەگەمەندىگىمىز ماڭگىلىك بولسىن», دەپ جازعان بولاتىن. مىنە, بۇگىنگى تاۋەلسىزدىك كۇنىنە وراي اشىلىپ وتىرعان اتامىزدىڭ ەسكەرتكىشى سول نۇراعاڭ ايتقانداي «وتكەنىمىزدى ۇمىتپايىق, اتا-بابامىزدىڭ وتكەن تاريحىن كەلەسى ۇرپاققا ۇستاتىپ, بۇگىندى ەرتەڭمەن جالعاستىرايىق» دەگەن ارمانىنىڭ جۇزەگە اسۋىنىڭ ءبىر كورىنىسى. وعان ەل, حالىق كۋا.
جەتىسۋ ءان ءداستۇرىنىڭ التىن قازىعى, سال-سەرىلەردىڭ سوڭى, قازاق ادەبيەتى تاريحىندا ءوزىنىڭ اتىن ماڭگىلىككە قالدىرعان اقىننىڭ ولمەس جىرلارى مەن اسەم اندەرى تۋعان حالقىمەن بىرگە جاساي بەرمەك.
گۇلزەينەپ سادىرقىزى,
«ەگەمەن قازاقستان».
سۋرەتتى تۇسىرگەن
بەرسىنبەك سارسەنوۆ.