ۋكراينا پرەزيدەنتى ۆيكتور يانۋكوۆيچ وپپوزيتسياعا قارسىلىق شارالارىن توقتاتىپ, بارلىق ساياسي كۇشتەر مەن قوعامدىق ۇيىمداردى جالپىۇلتتىق دوڭگەلەك ۇستەل باسىنا جينالۋعا شاقىردى. بۇل تۋرالى يتار-تاسس حابارلادى.
وپپوزيتسيا پرەزيدەنتكە جاۋاپ قايتاراتىنىن, سونداي-اق ورتاق شەشىمگە كەلۋگە نيەتى جوق ەكەنىن العا تارتتى.
وپپوزيتسيا تالاپتارى كۇننەن كۇنگە كۇشەيىپ بارادى. ولار بيلىكتەن تۇتقىندالعان ەرەۋىلشىلەردى بوساتۋىمەن قاتار, 30 قاراشا كۇنى شەرۋشىلەرگە كۇش كورسەتكەندەردى جازالاپ, ىشكى ىستەر ءمينيسترى مەن ازاروۆ باستاعان مينيسترلەر كابينەتىن قىزمەتىنەن بوساتۋ, مەرزىمىنەن بۇرىن پارلامەنت پەن پرەزيدەنت سايلاۋلارىن وتكىزۋگە دايىندىق جۇمىستارىن جۇرگىزۋدى تالاپ ەتىپ وتىر.
2 مىڭعا جۋىق وپپوزيتسيا جاقتاستارى ۋكراينا باس پروكۋراتۋراسىنىڭ الدىنا جينالدى. ولار تۇتقىندالعان ەرەۋىلشىلەردىڭ بوساتىلۋىن تالاپ ەتۋدە. ءوز تالاپتارىن ەرەۋىلشىلەر ميكرواۆتوبۋستىڭ ۇستىنە ورناتىلعان دىبىس كۇشەيتكىش ارقىلى جەتكىزىپ وتىر.
ايدار ورىسباەۆ.
دەرەككوز: Itar-tass.com