باسەكەلەستىكتى قورعاۋ جانە دامىتۋ اگەنتتىگى دەنساۋلىق ساقتاۋ مينيسترلىگىمەن بىرگە فارماتسەۆتيكالىق قىزمەت نارىعىندا قولدانىستاعى مەملەكەتتىك ساتىپ الۋ قاعيدالارىنداعى ەلەۋلى كەدەرگىلەردىڭ ءبىرىن شەشۋدە ايتارلىقتاي ىلگەرىلەۋگە قول جەتكىزدى.
اتاپ ايتقاندا, كونكۋرستىق قاعيدالاردىڭ ءبىرى قاتىسۋشىعا قازاقستان رەسپۋبليكاسىنان تىس جەرلەردە بەس جىلدان استام فارماتسەۆتيكالىق ءوندىرىس تاجىريبەسى ءۇشىن 2 بالل قوسۋدى كوزدەيدى. كەدەرگىلەر جونىندەگى كەڭەستىڭ مۇشەسى باتىربەك ماشكەەۆ بۇل شارت قۇقىقتىق تۇرعىدان قىسىم جاسايتىنىن جانە وتاندىق تاۋار وندىرۋشىلەر اراسىندا باسەكەلەستىكتى دامىتۋعا ايتارلىقتاي كەدەرگى كەلتىرەتىنىن ايتادى: ءدال وسى 2 بالل شەتەلدىك قاتىسۋى بار فارماتسەۆتيكالىق وندىرىستەرگە قازاقستاندىق وندىرۋشىلەر الدىندا ارتىقشىلىققا يە بولۋعا مۇمكىندىك بەرەدى, سەبەبى ودان كەيىنگى كونكۋرستىق راسىمدەر شەتەلدىك قاتىسۋى بار وتاندىق تاۋار وندىرۋشىلەر اراسىندا وتەدى.
«سك – فارماتسيا» جشس حابارلاماسى بويىنشا قازىرگى كەزدە دارىلىك زاتتاردى, مەديتسينالىق بۇيىمداردى جانە مامانداندىرىلعان ەمدىك ونىمدەردى ساتىپ الۋدى ۇيىمداستىرۋ جانە وتكىزۋ قاعيدالارىنىڭ جوباسى ازىرلەندى, وندا الەۋەتتى ءونىم بەرۋشىلەردىڭ وتىنىمىنە باعالاۋ ولشەمشارتتارى (بالدىق جۇيە) قايتا قارالدى. الەۋەتتى ءونىم بەرۋشىدە نەمەسە ونىڭ قۇرىلتايشىسىندا ەل اۋماعىنان تىس جەردە بەس جىلدان استام فارماتسەۆتيكالىق ءوندىرىس تاجىريبەسى بويىنشا ولشەمشارت جوبادان الىنىپ تاستالدى. بۇگىندە جوبا مەملەكەتتىك ورگاندارمەن كەلىسىلۋدە.
باسەكەلەستىكتى قورعاۋ جانە دامىتۋ اگەنتتىگىنىڭ باق-پەن ءوزارا ءىس-قيمىل جونىندەگى كەڭەسشىسى ءاليا ءراحيموۆانىڭ ايتۋىنشا, «كەدەرگىلەر جونىندەگى كەڭەس» كراۋدسورسينگ الاڭى مەملەكەت باسشىسىنىڭ «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ شەڭبەرىندە قۇرىلعان, ەلدىڭ ەكونوميكالىق ءوسۋىن قامتاماسىز ەتۋ ءۇشىن وزەكتى بولىپ تابىلاتىن ءتيىستى تاۋار نارىقتارىندا ء«ادىل ساۋدا» قاعيداتتارىن قامتاماسىز ەتۋ بويىنشا وبەكتيۆتى ۇسىنىستار ازىرلەۋ ءۇشىن نارىقتارعا كىرۋ بويىنشا شەكتەۋلەردى انىقتاۋعا, ساراپتامالىق قوعامداستىقتىڭ باسەكەلەستىكتى بۇرمالاۋعا ءتۇرلى فاكتورلاردىڭ اسەرىن باعالاۋعا جانە ساراپتاۋعا باعىتتالعان.