الماتى ماڭىنداعى جانتۇرشىگەرلىك اپاتتان ءۇش ادام قايتىس بولدى

بەلگىلى بولعانداي, Mitsubishi Pajero اۆتوكولىگى قۇلجا تاس جولىمەن شىعىس باعىتىنداعى 78-ءشى شاقىرىمدا وعان وتە جوعارى جىلدامدىقپەن Nissan Cefiro-عا سوقتىعىسقان. ناتيجەسىندە Mitsubishi قارسى جولاققا ۇشىپ شىعىپ, LADA Largus اۆتوكولىگىنە سوعىلادى. 

سالدارىنان Nissan مەن LADA-دان ەكى جولاۋشى اپات ورنىندا قايتىس بولدى. دارىگەرلەر LADA مەن Nissan جۇرگىزۋشىلەرىنە جەدەل كومەك كورسەتتى. كەيىن LADA جۇرگىزۋشىسىنىڭ اۋرۋحاناعا بارا جاتقان جولدا قايتىس بولعانى بەلگىلى بولدى.

سونداي-اق Mitsubishi Pajero كولىگىنىڭ ءۇش جولاۋشىسى مەديتسينالىق مەكەمەگە جەتكىزىلدى. ونىڭ ىشىندە 2019 جىلى تۋعان بالا بار. ابىروي بولعانداا ولار اۋىر جاراقات الماپتى.

ال Nissan اۆتوكولىگىنىڭ جۇرگىزۋشىسىنىڭ جاعدايى اۋىر. ونىڭ كولىگىنىڭ سالوننان سىرا ىدىسى مەن اينەكتىڭ سىنىعى انىقتالعان سوڭ, ماماندار جۇرگىزۋشىنىڭ قانىن ساراپتاماعا العان. جۇرگىزۋشى كولىكتى ماس كۇيىندە جۇرگىزدى دەگەن بولجام بار. وقيعا ورنىندا وبلىستىڭ انىقتاۋشىسى ءمان-جايدى ءتۇسىندىرىپ, ءتيىستى ساراپتامالار تاعايىندادى.

ايدا ورالبەك