كەشە قازاقستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆ ماروككو سىرتقى ىستەر مينيسترلىگىنىڭ باس حاتشىسى ناسسەر بۋريتانى قابىلدادى. ول وسى ەلدىڭ كەڭەسشىلەر پالاتاسىنىڭ توراعاسى مۇحامماد اش-شەيح بياديللانىڭ جەكە جولداۋىن جەتكىزدى, دەپ حابارلادى سەناتتىڭ ءباسپاسوز قىزمەتى.
كەشە قازاقستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆ ماروككو سىرتقى ىستەر مينيسترلىگىنىڭ باس حاتشىسى ناسسەر بۋريتانى قابىلدادى. ول وسى ەلدىڭ كەڭەسشىلەر پالاتاسىنىڭ توراعاسى مۇحامماد اش-شەيح بياديللانىڭ جەكە جولداۋىن جەتكىزدى, دەپ حابارلادى سەناتتىڭ ءباسپاسوز قىزمەتى.
«قازاقستان ماروككو كورولدىگىمەن جان-جاقتى قاتىناستاردى دامىتۋعا ەرەكشە ماڭىز بەرەدى. ءبىز ماروككونى سولتۇستىك افريكا ايماعىنداعى بەدەلدى مەملەكەت رەتىندە بىلەمىز», دەپ اتاپ ءوتتى ق.توقاەۆ. توراعانىڭ پىكىرىنشە, ەكى ەلدىڭ تىكەلەي پارلامەنتارالىق بايلانىستار ورناتۋى ەكىجاقتى ىنتىماقتاستىقتى تەرەڭدەتۋگە جانە حالىقارالىق ارەناداعى كۇش-جىگەردى ۇيلەستىرۋگە ىقپال ەتەتىن بولادى.
ق.توقاەۆ ماروككونى استانادا وتەتىن ەكسپو-2017 حالىقارالىق كورمەسىنە قاتىسۋعا شاقىردى جانە 2017-2018 جىلدارى بۇۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە قازاقستاننىڭ ىنتاسىن قولدايتىنىنا سەنىم ءبىلدىردى.
جۇزدەسۋشىلەر, سونداي-اق, قازاقستان پرەزيدەنتى نۇرسۇلتان نازارباەۆتىڭ جانە ماروككو كورولى مۇحامماد VI-نىڭ باستامالارى تۇرعىسىندا دىنارالىق ۇنقاتىسۋدى دامىتۋ جانە يسلام ىنتىماقتاستىق ۇيىمىنىڭ اياسىندا جانە ءوزارا ءىس-قيمىل ماسەلەلەرىن تالقىلادى.